Nagwa Ebrahim

★ لكل أب وأم خلوا بالكم من بنتكم اوعوا علشان اتجوزت واتشالت مسؤليتها من عليكم تسيبوها وتتخلوا عنها ، يوم ماتحتاجلكم احتوها وخدوها فى حضنكم ، واوعوا تضغطوا عليها بكلمة عيشى وربى عيالك ، أوعوا ترعبوها بكلمة الناس يقولوا عليكى إيه لو إتطلقتى ، أوعوا تسيبوا بنتكم فى نار الدنيا علشان متوصلوهاش لنار الأخرة ، وطز فى كلام الناس اللى فى الاخر كلهم بيناموا مبسوطين وهى لوحدها بتتعذب ..

★ الشاب اللى بيقرر يتجوز وياخد بنت ناس علشان يعمر بيت ويجيب عيال يبقوا عزوته ويتباهى بيهم

البنت اللى اخدتها من حضن اهلها دى بقت أمانة فى رقبتك إزاى بتنسى إنك ساعة كتب الكتاب عاهدت ربنا بإنك تحافظ عليها وتعاملها بما يرضى الله ، إنت عارف يعنى إيه بتنقد عهد بينك وبين ربنا ؟ إتقى الله فى زوجتك واولادك علشان إنتقام ربنا منك انت مش حتستحمله …

★ أهل الزوج اللى مبيخافوش ربنا وبيفضلوا يزنوا على ودان ابنهم إنه يضايق فى مراته ويتحكم بحاجات متنفعش علشان هى اللى تطلب الطلاق وميبقلهاش حق عنده ، إتقوا الله علشان كل حاجة حتعملوها فى بنات الناس حترجع على بناتكم إن شاء الله وشيلوا الحقد والغيرة والسواد اللى فى قلوبكم ، مش ذنب بنت الناس علشان حلوة ولا نضيفة ولا متعلمة كويس تتأذى من ناس كلهم أمراض نفسيـــة بسبب بعدهم عن ربنا ..

إتقوا الله إتقوا الله إتقوا الله

 

تدوينات حرة : جاءتني هذه الرساله : ربما لا نستطيع أن نمنع كل سقوط … لكن يُمكننا أن نكون في حياة شخص ما ذلك الحضور الذي يؤجل السقوط