عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
كتب : خالد شهاب
في سنة ٢٠٠٢ الوسط الفني كله كان بيضحك لان الممثلة الشاطره الصاعده الموهوبة عبله كامل هتنزل فيلم مع ممثل مغمور ونازله بيه قدام عتاولة تخيل عبلة كامل وممثل مغمور نازلين قدام عادل إمام بفيلم امير الظلام وهنيدي بفيلم صاحب صاحبه واحمد ذكي وغيرهم ….
الأمر كان محسوم عبلة كامل قررت تنهي مسيرتها وزاد الأمر انها بعيده تماماً عن مواصفات البطله لا هي كيرفي زي هيفاء وهبي ولا شعرها اصفر وعنيها ملونه ولا بتعمل ادوار اغراء تجذب المراهقين وبتلبس طرحه وحاجه يعني مالهاش علاقه باللي اتعودوا عليه في السينما المفاجأة ان الفيلم دا بيكتسح السوق وياكل العتاولة و الناس تقف عليه طوابير ويبلع عادل امام وهنيدي …
المفاجأة ان الفيلم دا بيكتسح السوق وياكل العتاولة و الناس تقف عليه طوابير ويبلع عادل امام وهنيدي … الفيلم دا كان اللمبي ٢٠٠٢ .
…لكن الحقيقة انها موهبه جبارة وبتمثل تمثيل واقعي لدرجة انها بتفكرك بشخصيات واقعيه في حياتك علي مدار رحلة طويله قدمت عبلة كامل فن حقيقي لجمهورها من غير مشاهد خا رجه ومن غير الفاظ أبــ ــيحه وقدمت أفلام عاشت وهتعيش وبيتفرج عليها كل الناس لحد دلوقت واعتزلت في هدوء ولم تتسول اي تكريم او فلوس من أي جهة رغم ان اسمها ماركه مسجله في مصر والخليج … لو راحت وقفت بس في اي مهرجان خليجي هتاخد تقلها دهب لكنها معملتش كدا رغم ان الظروف الاقتصادية تخليك تتقبل لو عملت كدا لكنها بعدت عن كل دا وحافظت علي قيمتها وفنها .
هذا البوست في حب ممثلتي المفضله واكتر ممثله حبيتها في حياتي الاسطورة عبلة كامل ...
