عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاس ة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
هنتكلم النهاردة عن صوت أول ما يطلع من الراديو يحسّسك إن البيت اتفتح. مش نشرة…ولا حوار رسمي…ده صوت داخل يسأل عنكم ويقول لكم : إزيكم
———————-
الصوت ده كان صوت نجوى أبو النجا.. الست اللي دخلت بيوت المصريين وصوتها لمس قلوبهم من خلال الإذاعة .
——————-
الإعلامية نجوى أبو النجا واحدة من علامات الإذاعة المصرية ، وصوت من الأصوات المميزة اللي تربى عليه جيل كبير وأيقونة من أيقونات صوت العرب.
———————-.
اتولدت في أول يناير سنة 1940 بمدينة المنصورة .. ابوها كان مستشار بمحكمة المنصورة ، وكان عايز ولد يدرس حقوق.
فلما جات بنت سماها نجوى عشان اسمها يبقى قريب لاسم أبو النجا.. وقرّر يربيها كأنها الولد اللي ما جاش .. قراءة، لغة عربية مظبوطة، مخارج حروف، وكتاب تحفظ فيه قرآن وبالرغم انها اتعلمت فى مدرسة فرنسية.
————————–
وفى المرحلة الإعدادية والدها أتوفى وكان عمرها 14 عاما ، ومن كتر البكاء عليه فقدت بصرها بشكل مؤقت وعاد لها البصر بعد فترة علاج 3 أشهر.
وبعد حصولها على الثانوية العامة جت القاهرة علشان تدخل حقوق وتحقق حلم أبوها ، وفي نفس الوقت دخلت معهد الفنون المسرحية عشان ترضي نفسها وتحقق حلمها انها تبقى مذيعة.
————————
نجوى ابوالنجا …. وقعت في غرام الميكروفون من صغرها لما كانت رئيسة الإذاعة المدرسية.. وفى يوم الاعلامية أمال فهمى زارت مدرستها وكانت لابسة تايير وجوانتي أبيض في إيدها ، وفضلت تلوح للتلاميذ من شباك الإذاعة المدرسية زى الزعماء .. المنظر ده أبهر نجوى وخلاها تحلم تبقى مذيعة زيها .
————
وفعلا راحت مبنى الإذاعة وهي طالبة بالجامعة ، قابلت الإذاعى إيهاب الأزهري وعملها اختبار وأعجب جدا بأدائها في الإلقاء وصوتها الجميل ووافق أنها تعمل مذيعة ربط ومراسلة بشبكة صوت العرب.
——————
وفى يوم الإذاعى وجدي الحكيم طلب منها تعمل أول تقرير لها عن كعك العيد .. وأول ما سمع الشريط اتعصب جدا ورماه من الشباك.. وقالها: مين اللي عملك مذيعة؟
——————
أي واحدة غيرها كان ممكن تحس بالاحباط وتنسى حكاية المذيعة دى خالص .. إنما نجوى فهمت الدرس ومايئستش .. وعرفت ان الصوت كان سيىء بسبب الزحمة والدوشة فى الأفران واشتغلت…واتعلّمت واتدربت .. وبقيت من أعلام صوت العرب.
————————-
نجوى أبو النجا فضلت فى “صوت العرب” لمدة 30 سنة وقدمت مجموعة كبيرة من البرامج والسهرات الإذاعية وكان لها الفضل فى أول خروج للميكروفون خارج الإذاعة سنة 1970م ببرنامج
(يا هلا ) ،(واحد + واحد ) ،( أغنية للوطن ) ،( مهمة رسمية ) ، ( سفير فوق العادة ) وده كان من أبرز برامجها واللي استمر إذاعته لمدة عشرين سنة .
————–
نجوى أبوالنجا …حاورت كبار المسئولين في الدول العربية، ومنهم الزعيم الفلسطيني الراحل ياسر عرفات وبعض الرؤساء والحكام والأمراء والسفراء ، ورموز المجتمع في مختلف المجالات الثقافية والفكرية والسياسية والفنية
————————-
وفى التليفزيون قدّمت برنامج واحد بس أسمه “السهرانين” كان كل ضيوفها من الفئات اللى طبيعة عملهم السهر طوال الليل زى رجال الشرطة وعمال محطة البنزين والدكاترة والممرضات ، وعلى الرغم من نجاح البرنامج إلا أنها ماحبتش البرامج التلفزيونية لأنها ماقدرتش تبعد عن معشوقها ميكروفون الإذاعة.
نجوى أبو النجا كان اهتمامها كله بالشباب فأسست شبكة الشباب والرياضة ووضعتها فى المقدمة .
وفى يوم كانت فى الملعب بتغطى المباراة والمعلق الرياضي اللي كان هايفتتح مباراة الأهلي والمقاولون اتأخر فأضطرت تفتتح المباراة بصوتها وده فى وقت ما كان التعليق على المباريات حكر على الرجالة وفتحت الطريق للبنات لشغل منصب “المُعلق الرياضي”
———————-
يومها الجمهور هتف لها : نجوى أبو النجا يا أبهة…إيه العظمة دي كلها .. لكن العظمة الحقيقية كانت لما فتحت الميكروفون لشباب ، لمشاريع ، لأفكار
———————
وبعد النجاح الكبير ده دخلت لأمين بسيوني رئيس اتحاد الإذاعة والتلفزيون وقتها وهى فخورة بنفسها بس “لاقيته بيقول لها يا أستاذة نجوى دا اسمه النجاح السهل الكورة والرياضة نجاح سهل وريني شغلك مع الشباب.
—————————–
وفى الوقت ده نجوى كانت منتظرة انها تبقى رئيسة إذاعة صوت العرب لكن فجأة لاقيت نفسها رئيسة إذاعة الشباب والرياضة
وهو المنصب اللي استقبلته بالغضب الشديد لأن ماكانش عندها أى خبرة في مجال الرياضة وبكت مش ضعف ولا فرحة لكن خوف على الإذاعة وقالت: أنا ما بفهمش في الكورة بس بفهم في مشاكل وأزمات الشباب.
—————————-
.. وبعد رئاستها لإذاعة الشباب والرياضة أطلقت حملة اسمها “إن فاتك الميري اتمرغ في ترابه” ونجحت فى مجال الشباب زى نجاحها في مجال الرياضة
وابتكرت فكرة أسواق الشباب وأتاحت لهم فرص عمل كتير في الصناعات الصغيرة زى الخزف والصيني والفنون التطبيقية
الرئيس السيسي يُوجه بحزمة جديدة للحماية الاجتماعية تستهدف دعم الفئات الأولى بالرعاية والأقل دخلاً و تطبيقها قبل دخول شهر رمضان الكريم و صرف مرتبات شهر فبراير الجاري لموظفي الدولة خلال الأسبوع الحالي
المحلية والمستوردة ..
♥️
ى طائرة جيفري إبستين الخاصة … و تفاصيل اعترافات مرعبة من الرحلة إلى الجزيرة .. { ڤيديو }
{ڤيديو}
” يُسبب أضراراً بالغة علي الدماغ و تمزق في الرئة فاحذروا يا مدخنين الڤيب
.. ڤيديو
إسرائيل ..
