عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
ايا كان المخطيء في الحادث المروري فهناك من هم اكثر اجراما وخطورة منه
وهم المتاجرين بالحادث واستغلاله لتحقيق ارباح مادية ومشاهدات وتسابق المواقع لاجراء مقابلات مع اهالي الضحايا وذويهم ونشر الصور بكثافة
وهناك من فبرك صور ومقاطع بعيدة عن الحادث لتضخيمه وتهويله بشكل يفوق الوضع الطبيعي وده غير القنوات اياها
بخلاف تسييس الحادث واستغلاله لتصفية حسابات خبيثة
ربنا يدي كل واحد على قد ضميره ويرده فيه سوءا بسوء .
مات شهداء من الجيش والشرطة وكملنا الطريق ومات وبيموت وهيموت ناس مننا بمختلف الاسباب ودي سنة الحياة ومع التجارب والوقت هنقدر باذن الله نغير نفسنا عشان نلمس بنفسنا على الطبيعة اي تغيير ايجابي حصل وبيحصل وهيحصل في البلد ونحافظ عليه وعلى ارواح الناس ومصيرهم اللي كلنا مسؤولين عنه مسؤولية مشتركة بدرجات متفاوتة كل في مكانه حتى المواطن العادي السلبي اللي مبيقدمش لنفسه ولا المجتمع اي قيمة سواء بجهل او بتقصير
وهتدور الحياة وهنكمل مشوارنا الطويل والصعب واحنا مؤمنين بربنا ثم انفسنا ومش هنسمح لحد يدخل ما بينا يزعزع استقرار بلدنا تحت اي ظرف
وأي خسائر هنعاني منها متوقعة زي كل بلد في الدنيا فيها الصالح وفيها الطالح فيها المصلح والمفسد اللي بيبني واللي بيهدم ،،
احنا في الدنيا مش في الجنة ولا في جهنم هنتعب وهنتعلم وهنحاول نصلح ومش هنيأس جوانا يقين ان في يوم من الايام كلنا هنتغير للاحسن ونلحق نفسنا ونحافظ على بلدنا
عشان نفسنا وعشان كل الاجيال اللي جاية تلاقيها بعدنا وتكمل الرحلة اللي ابتدت من يوم ما بقا قرارنا بايدينا لا في ايد دولة ولا جهات تانية دولة حقيقية فاعلة مش مفعول بها .
المحلية والمستوردة ..
.. ڤيديو
إسرائيل ..
