نشر الفنّان ومقدم البرامج محمد
نشأت ( والذي شارك منذ الصغر بفيلم صعيدي رايح جاي مع الفنان هاني رمزي ) عبر حسابه علي الفيسبوك شهادته عن ما شاهده من إنجازات هائلة في البنية التحتية و الإنشاءات في نادي الزمالك والذي كان من شأنه عشق أعضاء النادي لرئيسه المستشار مرتضي منصور سزاء كبار أو أطفال فكتب :
“لغز هذا الرجل ….
بالأمس تشرفت بحضور إفتتاح نادي الزمالك النهري الذي سبق وان تم هدمه !!
ثم توجهت لأول مرة إلي نادي الزمالك ..
لما تروح سيبك من كل اللي بتسمع عنه أو بتشوفه علي الشاشات لان أرض الواقع حاجة تانية لم أكن أتخيل كل هذة الإنشاءات بكل هذا الشكل العالمي وأحدث الصالات واعلى التقنيات … مش هتشوف الحاجات دي في الاعلام لانه مابيجبش غير صورة يافطة يعمل عليها كومكس وتفاهة وتريند وكده …
حالة عشق الأعضاء للمستشار مرتضي منصور غريبة ومن القلب من أطفال ورجال وسيدات وكبار السن تخليك تقول
قطعا لازم يكتسح اي انتخابات
جلوسه وسط كل الناس يستمع لكل شكوي بنفسه مكتبه مفتوح لكل الناس بشكل لو كل مسؤل عمل كده كانت البلد كلها في حته تانية ..
إختلف بقي او اتفق او اتشقلب انت حر بس عشق جماهير وأعضاء الجمعية العمومية لنادي الزمالك لمرتضي منصور واقع مش وجهة نظر ..
التطوير المبهر داخل نادي الزمالك واقع مش وجهة نظر ..” .
وشهدت الفنانة راندا البحيري في تعليق قالت فيه شهادتها هي الأخري :
” الكلام ده حقيقي جداً و ياما الواحد قاله والله لكن للأسف الناس بتمشي ورا لجان إلكترونيه .. لكن الحق أحق أن يُتَبَع و ربنا ينصرك و يبعد عنك أي شر أو حقد … ربنا معاك و يوفقك يارب و يلهمك الصبر ” .
