تدوينات حرة : سبحان الله العظيم .. أوقات ربنا بيكتب للإنسان فرصة تانية للحياة من طرق مستحيل تتخيلها
عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
سبحان الله العظيم
دا شاب مصري اسمه مصطفى وعنده 39 سنة ومقيم وشغال في الأردن من 18 سنة، في يوم إجازته نزل يعوم في خليج العقبة والدنيا كانت هادية وطبيعية لحد ما تفاجئ بـ لانش جاي ناحيته بسرعة ومش شايف مصطفى، الشاب حاول يتفاداه ويبعد عن طريقه، ولكنه كان سريع جدآ لما أدرك إنه مش هيلحق كرد فعل غريزي غطس تحت كمحاوله نجاة يائسه، ولكن كان فات الأوان واللانش خبط مصطفى وكسر له عظمه..
لكن مروحة اللانش لحقت رجله وتعرض لإصابة بالغة أدت إلى بتر القدم وأسفل الساق فورًا وسقط الجزء المبتور لأسفل.. مصطفى تحامل على الوجع وفضل واعي ونزل بسرعة ورا ساقه عشان يمسكها، بس للأسف مقدرش يكمل،
واللي كانوا في اللانش انتشلوه من المية بيصرخ ويبكي وفقد الوعي وودوه المستشفى
وهنا بدأت أول معركة في القصة واللي خلتها تريند..
الدفاع المدني عرف إن مصطفى كان بيبحث عن ساقه بعد الحادث.. وهنا ابتدت الملحمة البطولية اللي كلها إنسانية ورحمه.. وراحوا بغواصين لمكان الحادث ونزلوا لمدة ساعتين بيدودوا ونجحوا أنهم يلَقوها في قاع البحر بعد ساعتين من البحث، والمفاجأة إنها كانت سليمة! حطوها في آيس بوكس للحفاظ على الأنسجة والأوعية الدموية وبعتوها للمستشفى فورًا .. وهنا ظهروا أبطال القصة في #مستشفى_عبدالهادي بالعاصمة عمّان..مصطفى كان في إنتظاره فريق طبي متخصص من اكفأ وأمهر اساتذة الدكاترة، وطمنوا مصطفى إنهم هيعملوا كل اللازم عشان يسترجعوا رجله تاني.. وبدأو فورًا في الإجراءات والتجهيزات لأن الرجل كان فاضل عليها تقريبًا نص ساعة وتموت.. ومن أول دقيقة دخلوا في سباق مع الوقت في عملية جراحية دقيقة جدًا ابتدت من 11 بليل لحد 10 الصبح، يعني حوالي 11 ساعة.. 11 ساعة من توصيل عظام وعضلات وأنسجة وأوردة مصطفى ببعضوالمفاجأة..عملية الزراعة نجحت.. وساق مصطفى رجعت ورجعت معاها فرحته وابتسامته وأمله في الحياة، بعدما كان زعلان على نفسه وفقد الأمل إنه يرجع يمشي تاني.. وحاليًا بيخضع للرقابة والمراجعة الطبية كل ساعة، والكل بيروح يصور معاه هو والكادر الطبي الأبطال..والحقيقة إن قصة مصطفى فيها أكتر من بطل..فيها رجال إنقاذ نزلوا يدوروا في قاع البحر على ساق مبتورة..وغواصين قضوا حوالي ساعتين في البحث عنها..وكوادر إسعاف تعاملت مع المصاب والطرف المبتور بسرعة..وأطباء قرروا يخوضوا واحدة من أصعب العمليات بدل ما يعتبروا إن الأمر انتهى..سبحان الله.. أوقات ربنا بيكتب للإنسان فرصة تانية للحياة من طرق مستحيل تتخيلهامنقولرجل الأقدار .. كتاب يوثق مسيرة زعيم (١٠)
فى كتاب الموتى.. لعنة الفراعنة تطارد من يمنع جريان الماء فى النيل أو يقيم سدا
موعد مباراة منتخبنا الوطني، مواليد ٢٠٠٧ لمواجهة المغرب في الجولة الرابعة من تصفيات شمال إفريقيا
كابتن رضا عبدالعال عن مباراة منتخبنا أمام جنوب السودان : مباراة الانقاذ .. { ڤيديو }
رجل الأقدار .. كتاب يوثق مسيرة زعيم ( ٧ )
تدوينات حرة : بنت أبويا و أفتخر ..
تدوينات حرة : مقدرتش ماأشيرش الفيديو ده لما شوفته .. هما دول ولادك اللي بجد يامصر ،،
الفرحـــة في ميت عقبة .. الدوري للزمالك
حقيقة وفاة أحمد الديجوي : النيابة تحسم الجدل وتكشف هل السبب انـتحار ام سبب جنائي؟ .. { ڤيديو }
