عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
من ضمن الحاجات اللي مبيعترفش بيها بعض الناس اللي بيصنفوا نفسهم إنهم “فهّيمة”، وعباقرة، ومتذوقين للفن ومترفعين عن أي حاجة شعبية أو أعمال بتنتجها الدولة ضد تنظيم الإخوان الملاعين، إنهم بيحطوا الفنان في خانة ويردموا عليه فنيا وميبقاش عندهم ضمير في تقييم شغله طالما موقفه السياسي ضد الإخوان!
معرفش ليه مش بيقبلوا النسمة الطايرة على الإخوانجية.
وأنا معنديش مشكلة في التصنيف، بس لما يتم استخدام الأسلوب ده ضد فنان حقيقي لمجرد إن له موقف معارض مثلا، بتزعلوا ليه؟ ولا أنتم مابتغيروش إلا لو الكلام جه على الإخوان ؟
المقدمة دي كان لابد منها عشان أقول بملء الفم: شريف منير هو نجم نجوم الموسم ده بلا منازع.
لا تقولي عصام عمر ولا غيره من الوجوه الجديدة اللي الناس طايرة بيهم؛ مع كامل احترامي لعصام -حبيبي يا عصام ومعلش جت فيك- بس إحنا هنا قدام ماستر كلاس في فن الأداء.
شريف منير في دور “محمود عزت” بيعمل دور عمره، وبيطبق اللي بنسميه في مراجع التمثيل “الحياة الفيزيائية للشخصية” مش بس بيمثل، لا ده لبس روح الثعبان الإخواني ده بكل تفاصيله :
شريف منير بيلعب بمنطقة التعبيرات الدقيقة جدا؛ حركة العين اللي فيها خبث هادي، والابتسامة الباردة اللي بتوحي بـ “تفاهة الشر”
الإتقان قسما بربي مرعب، شريف منير قدر يجسد الراجل اللي بلغ من الكبر عتيا، الوهن الجسدي باين في رسمة الجسم ومشية الرجل، بس لسه الشر بينخر في كل حتة في نفوخه.
ده أداء بيعتمد على “الإيقاع الداخلي”، وبمناسبة الإيقاع، هل لأن شريف أساسا في الأصل عازف درامز.. يعني بتاع إيقاع؟
أصل مش أي ممثل يظبط الحتة دي أبدا!
شريف منير وتاني شريف منير، عرف يوصل لنا إن الشر مبيكبرش ولا بيموت، هو بس بيكتسب خبرة في التخفي، وقدر يخلينا نشوف “الشيطان” وهو لابس نضارة وبينهج من العجز، بس لسه بيفكر في الخراب.
والممثل الحقيقي هو اللي بيخليك تنسى صورته وتشوف قذارة النفس البشرية اللي بيجسدها بكل دقة.
الرئيس السيسي يُوجه بحزمة جديدة للحماية الاجتماعية تستهدف دعم الفئات الأولى بالرعاية والأقل دخلاً و تطبيقها قبل دخول شهر رمضان الكريم و صرف مرتبات شهر فبراير الجاري لموظفي الدولة خلال الأسبوع الحالي
