عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .الفيسبوك .
على خلفية حادث طريق المنوفية واستشهاد عرائس الجنة.
هذا الحاقد وجدها فرصه لتصفية الحسابات مع الحكومة ومع وزير النقل الفريق كامل الوزير. واللي اتضح انه كان في زيارة رسمية لتركيا وقت حدوث الحادث.
ومع ذلك الراجل بمجرد علمه بالموضوع قطع زيارته ورجع لمصر فورا علشان يتابع الحادث بنفسه من على أرض الواقع.
عمرو اديب جاي على أكتر وزير شغال وشغله باين للأعمى وتقعد تزايد عليه بهذا الشكل ده !!
كامل الوزير عامل انجازات ماينكرهاش إلا أعمى أو جاحد. ومش مشكلته تهور سائق أو رعونة آخر.
يعني سواق أرعن مبرشم كسر الحواجز وعبر الجزيرة الفاصلة ومشي مخالف ودهس سيارة بركابها، وفي الآخر تبقى غلطة الوزير ؟
سائق الميكروباص الي مركب ٢٢ بدل ١٤ راكب مش غلطان. و وزير النقل هو اللي غلطان.
والي ماشي عكس السير مش غلطان واللي بيشرب مخدرات مش غلطان.
بس الي بيجدد الطريق وصارف علية مليارات هو الي غلطان.
اكيد الوزير كامل الوزير مخطئ. علشان ازاى يسمح للنوم ييجى غفله كدا لسائق التريلا ويخليه يعبر الطريق المعاكس. ويدهس الميكروباص ويموت زهراوات قرية المنوفية.
واقول لعمرو بيان النيابة العامة بخصوص الحادثة أوضح ان سائق التريللا كان ماشي بسرعة كبيرة وكسر الحاجز بين الاتجاهين واقتحم الاتجاه المعاكس للطريق فاصطد بالميكروباص اللي كان بيقل الضحايا وفرمهم كلهم تحت عجلاته الضخمة الثقيلة ..
وطبعا لما عملوله تحليل المخدرات جاءت النتيجة ايجابية. يعني سيادته كان مصطبح وعامل دماغ
هتقولي خلاص يبقى لازم نعمل تحاليل مخدرات لسواقين النقل بشكل دوري ومفاجئ. ها اقول لما جينا نعمل تحاليل مفاجئة للسواقين في لجان المرور على الطرق ، محامي ابن حلال راح رفع قضية عدم دستورية. وقاضي جليل قاله عندك حق. ماينفعش الحكومة تخللي المواطن يكشف حمامته ويعمل بي بي في الشارع!!!
يا راجل دا احنا حتى لما جينا نعمل تقنين للتكاتك لقيتا شخروميت نائب بينافقوا قواعدهم الانتخابية وبيقولك ده مصدر رزقهم وأكل عيشهم وحرام عليكم تقطعوا عيش الغلابة. ونتقاعس عن امور كثيرة تودي في داهية بسبب اكل عيش الغلابه. ونام الموضوع على كده. حتى ملف النقل الثقيل اتقالك هيؤثر على الأسواق والتصدير والاستيراد والأسعار هتغلى..
مع العلم ياعمرو ان السعودية تتصدر دائما نسبة الوفيات في حوادث الطرق رغم تعداد سكانهم اقل منا ياعمرو. وانت لم تتصدي لهذا الموضوع خاااالص.
وعموما العيب ضعف الدولة المصرية للأسف الشديد.
انت عاوز المهندس كامل الوزير يمشي علشان الخونه والعملاء والخرفان. وياريت موجود فى مصر خمس اشخاص زى كامل الوزير.
كفاية جلد في المخلصين. وكفاية نكران للرجال اللي بتشتغل بضمير. واللا هو الإنسان المخلص المجتهد اللي بيخدم البلد بكل تفاني نقعد نسن له السكاكين ونعلق له المشانق ويبقى كل همك تجيب اسمه بأي شكل في جملة مفيدة علشان تفيد اعداء مصر.
.. ڤيديو
إسرائيل ..
