Sameh Saad Zaghloul
دخلت العيادة وهي حتي لاتستطيع أن تقول السلام عليكم أو مساء الخير لإنها بالكاد تستطيع أخذ نفسها بمعاناة وصوت نفسها يسمعه من هو علي بعد عشرة أمتار … ( بلغة إخواتنا وحبايبنا أهل القري ،،، دكر بط لسّه متزغط )المهم أتركها لتستريح وأنتهز الفرصة خلال ذلك بالتضرع إلي الله ( يارب ماتكون عاوزة إللي في بالي ….. !!!!! )أنا بتوجس : أيوه إتفضلي يافندم …. أؤمريني ؟؟؟؟؟هي بصوت مملوء بكافة أنواع الدسم : دكتوووور عاوزاك تشفطلي كل الدهون دي … وتزيد من الطين بلّه بأن تخرج محمولها من حقيبة يدها المختفية في ثنايا جسدها كساحر ماهر يخرج أرنباً من سترته لتطلعني علي صورة لموديل ممشوقة القوام وتريد أن تكون مثلها تماماً ….. !!!!!!كبحت جماح تنمري ولجمت ماكنت أنتوي لفظه ( هاشفط إيه ولا إيه ولا إيه بس )وأجبت بكل رقة وأدب : الحقيقة ياست الكل ماينفعش نشفط كل الدهون دي لسببين :أولاً لإن ده هايبقي خطر عليكي جداًوثانياً مافيش جراح صحته تجيبه يشفط الكميات دي من الدهون ( غلطة تنمرية غير مقصودة )هي بحدّه : خطر إزاي ؟؟؟ هي مش دهون زيادة ومالهاش لزمة ؟؟؟؟ دانا كنت عمالة آكل براحتي وبقول مش مهم أتخن وبعدين أروح لدكتور تجميل (يشفطني) ،،،،، إذا كان علي الفلوس أدفعلك إللي إنت عاوزه بس تخلصني من الدهون دي كلها … أنا غنية ومعايا فلوس كتيرأنا ومازلت بهدوئي ورقّتي وأدبي : ماشاء الله ياست الكل ربنا يزيدك مش مسألة فلوس خالص .. دي مسألة طبية بحتة …حضرتك تروحي تحاولي تخسّي بأي طريقة … رياضة ، رجيم ، أطباء تغذية ، أو عمليات معدة … أي حاجة وبعدبن ييجي دورنا إحنا إذا باقي أماكن محدودة متجمع فيها دهون نشفطها أو جلد مترهل نشده ..هي بكل إستخفاف وبتشاور بإيديها المزقلطة: طب رجعلي الكشف مإستفدتش منك حاجة …….. هاروح لدكتور شاطر وبيفهموتم إعادة قيمة الكشف بكل طيب خاطر.البوست تأثراً بمحاضرة عظيمة لاستاذنا الفيلسوف عماد العادلي Emad Aladly بعنوان ( القيم بين الصلابة والسيولة ) والتأثير السلبي للحداثة ومن ضمنها تأثير الميديا علي الوعي الجمعي والسيدة المذكورة إحدي الضحايا( والله جراحة التجميل مش للتخسيس )
إخترنا لك من أرشيفنا :
أدهم الشوباشي عن الهجوم الإرهابى فى سيناء : أقسم بالله رجالتنا خّلو الإرهابيين الكلاب تعيط وهما فى الهجوم وهما بيحاولوا ينسحبوا وسايبين الجثث وراهم
فإلي ماذا يمكن أن يصل الباحث في نتائجه؟ وماذا سيقول عن مضمون الرسالة التي تشملها حلقاته ومقالاته بعد أخذها كحزمة واحدة تصدر عن شخص واحد؟!ماذا ستكون فيما تتخيلون؟! وماذا عندما يتم توصيف ذلك للبسطاء زورا بأنه المقصود ب تجديد الخطاب الديني؟!
