عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .الفيسبوك .
Maged M Tawfiek
ياريس عبدالفتاح السيسي..بقى كده تخاللي الإخوان ورصد يشمتوا فيا !!يعني أتحرك كل المشوار ده من فيصل الجيزة إلى رفح المصرية في عز الليل واتحمل عناء الجهد والمواصلات والسفر والتخبط بمفردي ومن غير تنسيق او فوج..ومش عارف اروح فين او اركب ايه او ازاي؟!..وأضطر اعبر قارات (من افريقيا إلى آسيا). وفي الآخر أكتشف اني ما أخدتش ال٣٠٠ ج او ٢٠٠ ج اللي بيقولوا عليها الاخوان ورصد؟!ليه كده ياريس؟!!..ده أنا رايح علشانك!!ومش بس كده ياريس..ولا حتى وجبة غداء على حسابكم في المعبر واحنا في عز الظهر والحر والزحام والإرهاق!!ياريس أنا مش عايز اتكلم بدل ما يشمتوا فيا أكثر..بس أنا من كثرة الإندماج مع الناس والهتاف لبلادي وسيناء ولأخوتي في فلسطين..نسيت أكل شيء ويدوبك اشتريت فقط كيس شيبسي صغير بالعافية من بائع متجول لأنه ده اللي متاح..المهم ياريس..سيبك من المواصلات والجهد والتعب والوقت دي أجري وحسابي فيها عند ربنا..أسأل الله الإخلاص..بس ياريس بصراحة كده أنا مكنتش بحبك اوي زمان..بس مش علشان بقيت بحبك اوي دلوقتي..ونزلت كمان النهاردة تأييد لموقفك وموقف بلدنا وجيشها العظيم..معناها انه ينضحك عليا..لوسمحت ياريس..أنا كمواكن مصري اطالب بكامل حقوقي..عايز حقي في الوطن.يعني بالبلدي..عايز ال٢٠٠ ج اللي بيقولوا عليها..وعايز الوجبة..وياريت إن تكرمتم وكان معاكم شوية فكة..يبقى حساب ثمن كيس الشيبسي اللي أكلته وأنا بهتف لكم.شكراً ياريس..ولو معكشي..ولا يهمك أحنا قدها وقدود..وفداء هذا الوطن..بنحبك..ومعك..وربنا يحفظك..ويأيدك..وينصرك..إمضاء:مواطن مصري ما أخدشي ال٢٠٠ ج
