عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
اهو محمد صلاح ده اكتر لاعب في ليفربول الجمهور العربي كان بيشك في قدراته و بيقلل من مجهوداته و ارقامه بسبب فكرة مصطنعه وهميه ملهاش وجود !اصل محمد صلاح ده لاعب بيستني الكورة قدام الجول و بياخد مجهود ماني و فيرمينو اللي بيعملوا مجهود اكتر منه و بيصنعوله دايما الاهداف !
اصل محمد صلاح بعد رحيل ماني و فيرمينو هيرجع لاعب عادي جدا و مش هيعمل ارقام لانه بتاع لقطة و مش هيلاقي حد يخدمه في ليفربول !الفكرة الوهميه دي كان ممكن تبقي حقيقة لو بتتكلم علي لاعب كسول بالفعل و مش بيشتغل علي نفسه و عقليته ضعيفه مش محمد صلاح ابدا !محمد صلاح بيطور نفسه سنة ورا التانية و بيضيف لنفسه أبعاد تقنية بالكرة و حركية بدون الكرة اكتر من اي وقت فات ..
اهو ماني و فيرمينو مشيوا و راحوا السعودية و مسيرتهم انتهت و هما في نفس سن محمد صلاح و ليفربول جاب مكانهم نونيز و لويس دياز ، لعيبة مبتعرفش تصنع لعب !صلاح لما شاف الوضع ده قرر انه يطور نفسه اكتر في صناعة اللعب و يطور نفسه بدنيا اكتر و يقود هو منظومة ليفربول في التسجيل و الصناعةصلاح مستناش ان لعيبة تخدمه ، صلاح قرر انه يتكيف مع كل الاوضاع ، صلاح قرر ان مفيش ظروف تقدر توقفه ولا انه يلاقي حجج لهبوط مستواه !لك ان تتخيل بقي ، محمد صلاح بعد رحيل ماني و فيرمينو قدر يسجل 65 هدف و صنع 40 هدف ، يعني ساهم في 105 هدف ، رقم مرعب مش كدة !
تعالي أصدمك و اقولك ان من ساعة وصول محمد صلاح الي ليفربول و لحد دلوقتي لعب 7 مواسم و ده التامن ، تخيل كدة ساهم بكام هدف ؟صلاح سجل 221 هدف و صنع 99 هدف ، يعني محمد صلاح ساهم ب 320 هدف مع ليفربول ، متخيل ضخامة الرقم !محمد صلاح سواء معاه فيرمينو او ماني او دياز او نونيز ، فهو الرجل الاول و الاهم و الاقوي في ليفربول ، هو قائد المنظومة ، هو الشامل و الحاسم و الاكثر تأثيرا .
محمد صلاح هو المعادلة الثابتة ، هو ملك البريميرليج الذي يعبث بالتاريخ
