بالڤيديو : هل حيتم تشفير الدولار .. يلا نشوف كده

# اللي معاه دولار برا حسابات البنوك الرسمية

و هيفضل معاه لحد بعد تاريخ ٢٤ فبراير ٢٠٢٤

هيزعل جدااا

بعد اجتماع لجنة السياسات المالية مع رؤوساء البنوك و اصحاب شركات الصرافة في تاريخ الخميس ٢٦ من اكتوبر ٢٠٢٣

ايه هيحصل هيتم تشفير الدولار

يعني ايه هنشفر الدولار

لا يا عزيزي القصة ان كل الدولار اللي هتدخل في البنوك في الفترة القادمة و لحد التاريخ ده هيتم ترقيمه ب serial معين

طب و الدولار اللي هيظهر بعد كده ملوش serial تديه للعيال تلعب بيه في بنك الحظ

لأ معلش احنا اسفين انت تقصد اعدامات للدولار

اعدم ايه يا حبيبي

هو اساسا مش موجود

هو في سوق موازي

ممكن يطلع خبير اقتصادي يقول بس دي مغامرة كبيرة و مجازفة برقم كبيييير من السيولة الدولارية

هو مش السوق السودا عمالة تشدكم وراها لدرجة ٥٠ جنيه …

#البنك المركزي هيخليه ٥٠ قرش

طب هو البنك المركزي بيتصرف كده عنترية مثلا

لا يا عزيزي

مفيش اقتصادي بيفهم عنتري

البنك المركزي قدم عرض مزدوج

اولا هيقبل اي ايداعات دولارية في كل البنوك

حتي لو مجهولة المصدر

” يعني من السوق السودا “

لكن بشرط هخصم 2% من قيمتها

يعني لو سعر البنك انهاردة 30.90 ج/ دولار .. انا گ بنك هاخد منك ب 30.28 ج/ دولار

طب و انا احطهم عندك لييييه …

ما انا مواطن مفتح و ببيع في السوق السودا وخربت بيت البلد و اوديهم السوق السودا

براحتك يا بيه

لو لقيت حد ياخدهم منك

ما هو بتاع السوق السودا مش عبيط ..

عارف ان معاه 4 شهور و بعد كده هيعملهم مراتب ينام عليها

الوجه التاني من العرض المزدوج بقا

ان البنوك هتوفرلك السيولة الدولارية ك مستورد

لككككككن هرفع نسبة العائد

يعني لو حضرتك بتستورد سلعة اساسية بدل ما كنت باخد منك 10% فايدة علي الاعتماد

هاخد منك 20%

و لو حضرتك بتستورد دراي فوود و شيكولاتة بالقرفة الامازوني و فونديشن بدل ما كنت باخد منك 20% هاخد 45%

و هوفرلك اللي تحتاجه من الدولار

..

طب ليه البنك المركزي عمل كده :

اقولك

مثال هفترض ان مستورد محتاج 100 الف دولار

قدامه طريقين :

البنك : و هنا ال 100 الف هيرجعهم 120 الف

طب ال 100 الف دولار اساسا واقفين عليه بكااااام

ب 3 مليون و 90 ألف مصري

هيرجعهم ب 20%

يعني 20 الف دولار × 30.90 = 618 الف جنيه

نضيفهم علي اصل المبلغ

يبقا تكلفة الحصول علي الاموال بالنسبة للمستورد ده تساااااوي

3 مليون و 708 ألف جنيه

..

او يلجأ للطريق التاني

السوق السودا :

و في الحالة دي هيبقا ال 100 ألف دولار واقفين عليه

من 4 مليون ونص الي 5 مليون جنيه

بالمنطق اي الطريقين اوفر

مؤكد البنك

في كل معادلة اقتصادية يا عزيزي ريكاردو هناك رابح و خاسر

هنا الاطراف الرابحة البنك و المستورد

و الطرف الخاسر مع رقعة الشطرنج

ازاااااي

..

ببساطة هيقل الطلب علي الدولار بتاعهم مع زيادة المعروض عندهم

و احنا درسناها في اولي أول رقعات اقتصاد

لما الطلب يقل و العرض يزيد السعر يحصله اييييييه ايووووون ينخفض

فهمنا كده النقطة دي

هيطلع بقا المواطن اللي شايف عند نفسه استحقاق ان رئيس الدولة لازم يعدي عليه ياخد رأيه في قرارات اليوم

و يسأل و هو البنك المركزي هيجيب دولارات منيييين

أنا ميخصكش

دي مشكلة تيم سياسات مالية وهما ادري بيها .. كمل انت تقطيع الجوافة للعيال عشان الانفلونزا

لكن علي الجانب الاخر

هناك طرف شرير عايز يعرف البنك المركزي هيكفي طلبات المستوردين منيييين

يبقا هنا لازم نساعده

و نقوله علي شوية تفاصيل

اولا : مصر نجحت في استراتيجية مبادلة العملات المحلية

بادلنا درهم اماراتي

بادلنا روبية هندية

بادلنا يوان صيني

بادلنا روبل روسي ” ايام حاملات الطائرات الروسية فاكرين “

واخيرا بادلنا ليرة تركي

كل ده بالجنيه المصري

كده معايا 5 دول مش محتاج لها دولارات اساسا

و معايا البرازيل و جنوب افريقيا جوا بريكس

ف مش محتاج لها دولار رووووخرة

و تقريبا دي اكبر دول بتبادل معاها تجاريا

هنا انا خففت عبء الدولار تماما اهوووو

” فاكرين اما قولتلكم موازنة 2024/2025 هيبقا فيها تخفيض الاعتماد علي الدولار بنسبة 70% ….

و الخبير قالكم هي عرفت الرقم ازاي و الموازنة مخلصتش ومتعملتش

ما احنا قولنا ان الاقتصاد علم ياسطي مصدقتنيش … و بعدين افرض انا مصادري جن .. تتلبس معايا يعني “

ده كلام جميل

الخطوة التانية :

عارفين مؤشر الجنيه اللي علي اساسه تم عمل الجنيه الرقمي

طلع القيمة العادلة كاااااام

24.82 ج / دولار

يعني الناس اللي هتتبادل رقميا

هتتبادل علي 24.82 جنيه مش 32.90 جنيه

و ده جون الدقيقة 92 بقا

السوق السودا تبكي في الزاوية و الله .. 65 مليار دولار يا يضخوهم في البنوك بسرعة …

يا ي……. بقا

الخطوة التالتة :

و دي اللي خلت الست كريستالينا تقول لاااا هو في زي مصر و اقتصاد مصر

متخفضش الجنيه يا سي عبد الفتاح

في عندنا 3 سندات سيادية حققت نجاح كبير في اسواق المال لدرجة ان Citibank of America خلي معامل الخطر عليها يساوي صفر

سندات الباندا باليوان

سندات الساموراي بالين الياباني

سندات الجنيه المصري في بورصة لوكسمبورغ

هنا تقرير السيتي بنك نرحب بالسندات المصرية في اسواق المال الامريكية

” احنا لا نرحب الحقيقة ..حنفي لا يحبذ

و تاخدونا الممر زي دولم و دوكهم … لا يا عم يفتح الله “

سبحان الله يا عزيزي

ده لسسسسه جولدمان ساكس فاقعنا تقرير كله دموع و اسي و حزن …

يجي سيتي بنك يمسح الدموع و يعمل move on بسرعة كده

جرحهم بيلم بسرعة “

ده سببه اييييه ان انت جاد في كل خطواتك

و انت قررت تخلص من الدولار

ف بيقدملك كل المغريات انك تكمل في شوية دولار يعني

و كده كده لازم يبقا في جزء دولاري ندفع بيه اقساط الديون

نتوقف قليلا عند النقطة دي و نلحق هبدتين :

الهبدة الاولي سياسية اااه صندوق النقد و امريكا بيغرونا عشان نفرط في سينا … اااه يا حبيبتي يا سينا ياللي ملحقتيش ترجعي كاملة لينا

و كثيرا من الكربلائيات و التخوين الفارغ للقيادة المصرية

مسألة سينا دي مسألة منتهية ..

احنا معندناش شبر في بهية قابل للتفاوض عليه اساسا

كل اللي بيحصل ده انك متتخلصش من عباءة الدولار بشكل تام لان كل دولة بتخرج من عباءة الدولار هي تعمل علي تقليل تداوله و بالتالي خفض الطلب عليه مع زيادة المعروض منه …..

ده هيتسبب في ان الفيدرالي هيعوم الدولار

” اقسم بالله شايفة اللي بيضحك دلوقت

يا بني يا حبيبي

لما عالميا ينخفض الطلب علي الدولار لأنه عملة دوران التجارة العالمية

و حاليا حجم الدولارات في العالم 600 تريليون دولار

انخفض التبادل في حدود 56%

يعني عندي 44% دولارات مش بتدور

معروض زيادة من الدولار

عشان اضخها في السوق لازم اعمل اييييه اقدم لها ميزة

الميزة دي اني اخفض قيمتها

و نبعتولهم بقا اليوتيوبرز بتوع التعويم قادم لا محالة .. و القطار انطلق

قطار اما يبقا يفرمكم و يخلص بهية منكم بحق جاه المصطفي و آل بيته

المميزات دي مش بتتقدم لمصر بس .. نووو لأي دولة قررت التخلص من الدولار

يسأل حد و ايه علاقة صندوق النقد بأمريكا

بنسبة ١٠ ٪ من الأجر التأميني و في واحدة من القرارات غير المسبوقة للقومي للأجور تَقرر رفع الحد الأدنى للأجور للعاملين بالقطاع الخاص الي ٣٥٠٠ جنيه.. وعلاوة دورية ٢٠٠ جنيه..

سؤال جميل

لا هو مش علاقة مباشرة

هو علاقة غير مباشرة و لكنها وثيقة

صندوق النقد الدولي ده مؤسسة مالية ربحية

اي مؤسسة ربحية لها موازنة

الموازنة دي فيها جانبين :

جانب اصول و جانب خصوم

و الاتنين الفارق بينهم بيحقق الربح

و الاتنين اسمهم القيمة السوقية للمؤسسة و اللي هي مقيمة بالدولار

طب لما قيمة الدولار تنخفض

قيمة المؤسسة هتنخفض طبعا

وفي حال مؤسسة سيادية زي صندوق النقد قيمتها تنخفض امام مؤسسة تانية زي بنك التنمية بريكس مثلت

ده هيضيع الهيبة والتحكم لحساب جهة أخري

و بالتالي انا گ كريستالينا هبقا مش طايقة مصر بس هبوسها في بقها …. عشان أتجاوز الازمة مع دولة و اشوف اللي بعدها

ايه هي الهبدة التانية .. انا نسييييت

فكرووووني

ااااه

الهبدة التانية اقتصادية مصر بتلم الدولارات من السوق السودا عشان مش لاقية دولارات تدفع اقساط الديون

” ده الميكس بتاع متآمر و اهبل “

عزيزي … مصر مسددة 18 مليار دولار من يناير لحد انهاردة متعثرتش في 10 سنت اساسا

.

و عشان نبقا بنتكلم بعيدا عن العاطفة

كل الاستثمارات اللي هيقوم بيها الخليج في مصر من يناير 2024 الي ديسمبر 2030

هيجيبوها ودايع متوالية في البنك المركزي …. يعني عادي جدا اخد منهم و اسدد

المواطن المفتح بزيادة هي الودايع دي مش بفايييييدة

ما هو يا عكرمة ايهما افضل

تقبل ودايع بفايدة 1% كده كده هتعرف تطلعهم من عائد الاستثمار

و لا تصدر سندات بفايدة 11%

” لا ما هو انا دلوقت بتواجه بأسئلة عجيبة مريبة فاضل يتقالي ازاي عبدالفتاح السيسي يبادل ليرة من غير ما ياخد رأي

.

طب بعد ده كله هل حد ممكن يسأل عن التعويم تاني … أيعقل

————————————————-

لكن يبقا السؤال الازلي طب مصر هتسدد ديونها ازاي

هو ده اساسا سؤال غير منطقي انه يتسأل

مصر مش بتاخد قروض استهلاكية .. مصر بتاخد قروض انمائية

.

يعني اييييه :

يعني مش بيتاخد القرض يتصرف علي الاكل و الشرب

لكن القرض بيدخل لتمويل استثمار معين يجلب ايرادات مستقبلية مستدااااامة

ربنا انعم علينا بمنطقة قناة السويس ..

و رئيس مخه نضيف

قدر يحول قناة السويس من مجرد ممر ملاحي الي تالت أكبر منطقة اقتصادية عالميا

..

وبالتالي بقت جاذبة للاستثمارات

و فيها حاليا 8 مناطق استثمارية في حيز الخدمة :

المنطقة الروسية

المنطقة الصينية

المنطقة الهندية

المنطقة اليابانية

المنطقة الاسبانية

المنطقة الالمانية

المنطقة النرويجية

منطقة الشراكة مع الاتحاد الاوروبي

و ده غير منطقة الصناعات المصرية

الدولة دعمت المنطقة دي انها دخلتها في 3 اتفاقيات :

اتفاقية الحزام و الطريق الصينية الدولية

اتفاقية البوابة الافريقية للاستثمارات و التجارة الروسية

اتفاقية مناطق الموانئ البحرية و اللوجيستية

و ده عن طريق تدعيمها بموانئ هامة جدا

زي مينا العريش ” اللي قاهر البعدا ” – ميناء السخنة – ميناء بورسعيد – ميناء الادبية بالسويس

..

اجمالي الاستثمارات في المنطقة الاقتصادية تقارب ال 50 مليار دولار و ربما يزيد

بحلول 2028 هنتكلم في 200 مليار دولار

فحضرتك ده جزء من شكل اقتصاد مصر القادم

و عشان نطمئن الي ان ازمة الدولار في طريقها الي الانتهاء

و اننا في خط النهايات

اليووووم الثلاثاء 31 اكتوبر 2023

بنك التنمية الصيني عمل تحويل بقيمة 977 مليون دولار للبنك المركزي المصري ..

و تم التحويل تماما

” فاكرين لعبة الموت بتاعت الصين اللي اتكلمنا فيها من فترة .. ده جزء منها

الصين عندها اييييه هرم دولارات

مصر عندها ازمة دولارات

خووودي يا مصر صرفي امورك

طب ما ده قرض عااااا … ديووون و إلحق الدكتور بلمبح هيعمل لنا فيديو ناااااو ان الدولة مش بتستعين بخبراته

لا يا عزيزي .. مفيش ديون

ده اسمه ايداع استثماري تمويلي

يعني اييييه يعني كده كده مصر هتاخد من الصين مبالغ مقابل استثمارات

طيب الصين عندها دفعة متوفرة ..

بدل ما تأجلها .. تبقا دفعة مقدمة

تدخل حسابات المركزي لتمويل البنوك بالاحتياجات الدولارية ..

يعني فلوسنا مش ديون

” الخبر ده موصلش لكتير لانه من ساعات .. ف أنا قولت ألحق الهبدة و هي لسه زيجوت “

————————————————-

طب الي متي هتفضل المؤسسات المالية تخرج تقارير سلبية عننا

هو يفرق معانا في ايه و احنا عارفين انها مسيسة

و علي العمووووم

في 3 مؤسسات قررت تغيير نظرتها للاقتصاد المصري الي الافضل بنهاية 2023

علي رأسها ستاندرد اند بوردز

اللي هي لسه مخفضة التصنيف

” غالبا المنظمات دي مبقتش تشتغل بالارقام .. بقت الهرمونات سايقاها “

لا ده كمان جي عروض تمويل

لكن هل احنا هنفضل مضغوطين اقتصاديا :

احنا قولنا طول ما بتتعاظم اكتر قوة النظام العالمي الجديد .. كل ما القديم بيلطش

هديلك مثال وصريح

بعيدا عن العواطف

الكهربا بقت تقطع ساعتين و تلاتة بدل ساعة

#هجيبلك انا من الاخر :

اعتقد ان الكل كان عارف اننا بناخد غاز اسرائيل نعمله اسالة و نبيعه للاتحاد الاوروبي

اتفاقية الغاز دي لحد 2026

كميات محددة

بتدفقات معينة

اسرائيل اتحججت بالحرب و قطعت الغاز

” مع انها كانت تقدر تتفق مع حماس متحدفش الصواريخ الزراعية ناحيته “

لكن قررت تقفل الحقول

المتصدر في العقود الخارجية هي مصر

لو انت أخليت بالعقود دي في اي من بنودها

هتروح زي الشاطر علي التحكيم الدولي

و التحكيم الدولي ده زي محكمة الاسرة كده بعيد عنك يا عزيزي

نفقة و مؤخر و رؤية و مرممممممطة و الله

البنود بتاعت العقد

متعلقة بكمية توريدات

و مواعيد توريدات

و اسعاااااار كاااش مطابقة لسعر السوق

الدولة كانت بين اختيارين

تجازف و تخل بالعقود مع الاتحاد الاوروبي

تقلل من التوريد الداخلي للمصريين

و تلتزم بعقود الاتحاد الاوروبي و شكلنا قدام العالم

و التزامنا الاقتصادي

و ان اسرائيل متعرفش تلوي دراعنا

و اختارت الحل التاني و هو الصح طبعاااا

” طب و المواطن ذنبه ايه .. ذنبه انها بلدنا .. و الشيلة هنشيلوهت كلنا

و لا سيدي المواطن مش حاسس اننا دخلنا الحرب بالفعل

دي الحقيقة مجردة من اي مجاملات

برغم كل حاجة .. و برغم الحالة المزرية من الجيرة العسسسسل المكتوبة علينا

إلا ان خارطة الطريق الاقتصادية تعمل بكفاءة و الحمد و المنة لله

ربنا ينصر بهية و يحفظها و يثبتنا و يثبت رئيسنا علي الحق قولا و فعلا اللهم امين

سيسى سيسى سيسى اوو اوو اوو ..

د . جيلان قاسم