عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
نشغل دماغنا .. تَمهل قبل ما تشير ..
عاااااااجل : سينا مش عارف بيحصل فيها ايه 
ااحييييييه بيضربوا المعبر
و حمي الشير تشتغل
ممكن قبل ما نشغل صوابعنا .. نشغل دماغنا
وقت الحروب في حاجة اسمها التزام الثبات الانفعالي ابوس ايديكم
معبر رفح بينضرب من ناحية اسرائيل مش من ناحية مصرو دي مش اول مرة تحصل
الميديا الاسرائيلية بتنشر اخبار فزع للفلسطينيين لحثهم علي الهروب باتجاه سينا الجانب المصري اصدر بيان شديد اللهجة للصهاينة ان توفير ممرات انسانية ده مسئولية اسرائيل مش مصر خالص الاردن اصدرت نفس البيان مع وضوح اكتر انها مش هتفتح حدودها لحد الميديا الاخوانية متضامنة مع اختها الصهيونية و بتنادي ب فتح الحدود المصرية لاستقبال الغزاوية .. و ده مش هيحصل لا انسانيا و لا بتنجانيا” افتكر صفقة القرن بتاعت اوباما … و الاتفاق مع حماس علي تضييق الخناق علي اهل غزة عشان يطفشوا علي سينا “
حبيبي هو ممكن لما نلاقي خبر مع كامل احترامي للصحفيين اللي مفكرين نفسهم سعيد عبد الغني الله يرحمه و محسسنا انهم واقفين علي سور المعبر 
نسيب الصفحات دي
و نروح لصفحة المتحدث العسكري
او صفحة السفير احمد ابو زيد
او صفحة رئاسة الجمهورية
معلش لو في ضرب في سينا الدولة هتخبي علينا ليه … عملاها لنا مفاجأة مثلا
هنفوق امتي من حمي السوشيال ميديا هااااااا … الامن القومي يا عالم 
د . چيلان قاسم
