عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
الإنقلابات في إفريقيا و القيم الأوروبية
ان هذه الانقلابات التي تحدث في افريقيا .. لا يجب ان تحدث .. ف هي تتعارض مع القيم الاوروبية و كذلك المصالح الاوروبية “
ده تعليق جوزيب بوريل بتاع الاتحاد الاوروبي في جلسة البرلمان الاوروبي الطارئة اللي انعقدت عشان بحث الانقلابات
و أنا اؤيد بوريل في كلمته ديفعلا الانقلابات اللي بتحصل دي
بتتعارض مع القيم الاستعمارية و اخلاق السلب و النهب و الاستيلاء علي ثروات الغير
بتتعارض مع قانون الارحام الرخيصة اللي تم تشريعه في اوروبا بعد الاحتلالات لحماية الجنود الاوروبيين من العقاب حال قيامهم باغتصاب الافريقيات
بتتعارض مع استغلال الجوع و الفقر وتحويل المواطن الافريقي ل قرد تجارب يتحقن بالايدز و الملاريا و الفيالقية و الكوفيد و يتحبس في معامل و هو بيصارع الالم عشان تتسجل الملاحظات العلمية عليه لحد ما يموت
بتتعارض مع الحركات الارهابية اللي بتدربها ال CIA & MI6 و تزقها في افريقيا عشان تفضل الشعوب خايفة و في حاجة لحماية اوروبا العظيمة الراقية البيضا ام عيون ملونة 
هي دي القيم الاوروبية اللي كانوا بيعيطوا عشانها في البرلمان … و قامت نذيرة الشوم اورسولا ڤون دير لاين تقول 
لقد بدأ يتضاءل النفوذ الاوروبي في افريقيا الذي كان يحمي الديموقراطية
لقد بدأ يتضاءل النفوذ الاوروبي في افريقيا الذي كان يحمي الديموقراطيةديمو….. ايه يا شاطرة 
بقا افريقيا دي فيها ديموقراطية و لا تعرفها اساسا
طب هي الشعوب هتاكل ديموقراطية .. هتشرب ديموقراطية .. هتلبس ديموقراطية .. هتاخد امصال ديموقراطية
الاكذوبة التي خدع بها الغرب السذج و البلهاء من العالم الديموقراطية
الديموقراطية انهاردة فرنسا في حالة صدمةاعتقدت انها في مأمن من احتياجات الغاز الباهظة زي ألمانيا …. و اعتقدت انها عندها مخازن يورانيوم
توحشت في بناء المفاعلات
حولت احتياجها الطاقة كلها من انتاج المفاعلات
انهاردة اتقالها براااامفيش يورانيوم مجانا تاني
عايزة اشتري و بالسعر اللي نحددوه احنا
هتشتري ازاي في ظل ازمة اقتصادية و ازمة سيولة بتواجهها الحكومة الفرنسيةحاول يطلب قرض 40 مليار دولار من صندوق النقد الدوليمبلغ كبير جدا و يحتاج ضمانات .. خطط لنقل الدهب من مالي و ايداعه خزينة المركزي الفرنسي
قام انقلاب مالي و جوينا قاله مفيش دهب .. و خد قواتك و امشي برا
حاول يبجح جابله فاجنر .. خليته يجري زي الفرخة اللي هربانة من الدبح
جري علي مجلس الامن و قدر يوقع عقوبات علي مالي لمدة سنة .. علي امل يروحوا يبوسوا ايده يرحمهملكن اللي نسيه مسيو ماكغو ان الشعب المالي اعتاد الجوع و الفقر و المرض
” ايش ياخد الريح من البلاط “
“امبارح لما حب يمدد العقوبات بعد انتهاءها لسنة كمان
روسيا استخدمت الفيتو و وقفت العقوبات .. و مندوب روسيا قاله من حق الشعب المالي عدم الترحيب بوجود اللصوص
وده طبعا بعد القمة الافريقية الروسية و دعم اسيمي جوينا ل بوتين في كلمته امام الجميع محاولة اخري فاشلة لاستعادة بوركينافاسو .. قابلها ابراهيم تراوري بمنتهي العنفسقط فيها 62 جندي فرنسي .. و اكتر من 300 من الجهاديين
الله 
ايه اللي جاب القلعة جنب البحر
ايه اللي جاب القلعة جنب البحر هو مش الجنود الفرنسيين دول جيش نظامي .. و الجهاديين دول ارهابيين
اتجمعوا مع بعض ازاااي
و لا هما اساسا صحاب من زمان و فرنسا زرعاهم و ممولاهم و مدرباهم عشان يرعبوا الشعب البوركيني
و دي الحقيقة اللي توصل لها ابراهيم تراوري و خلته اطاح بصديقه جنرال puhl
وقال ان الصداقة شئ و تواطئك مع العدو شئ اخر هتتعاقب عليه عسكريا 
تراوري علق نشاط كل الشركات الفرنسية اللي بتعمل في البحث و التنقيب و الاستخراج لليورانيوم و الدهبو طردهم
و سأل سؤال مشروع جدا في القمة الروسية الافريقية لماذا لم ترسل فرنسا الي بلادي مؤسسة طبية تقدم خدمات علاجية .. او لماذا لم تنشئ مدارس و معاهد وجامعات .. لماذا لم تنشئ مصنع تعليب و تجهيز اطعمة و مواد غذائية .. او تعلمنا كيف نزرع الارض لنخرج منها محاصيل تسد جوع اطفالنا
لماذا لم ترسل فرنسا الي بلادي مؤسسة طبية تقدم خدمات علاجية .. او لماذا لم تنشئ مدارس و معاهد وجامعات .. لماذا لم تنشئ مصنع تعليب و تجهيز اطعمة و مواد غذائية .. او تعلمنا كيف نزرع الارض لنخرج منها محاصيل تسد جوع اطفالناأليست كل تلك الانشطة استثمارات .. لماذا لم ترسل فقط إلا شركات لاستخراج الدهب و المعادن
هل اجد اجابة السؤال عند الرئيس الفرنسي ايمانويل ماكرون
تاني يوم طلع ماكرون يقول انه اجتمع مع جمعية رجال الاعمال الفرنسيين لمناقشة مجالات الاستثمار في بوركينافاسو 
يا سلااااام … لكن مخدش باله من جملة تراوري الاخيرة
ان لن يطأ أرضي فرنسي اخر بعد اليوم
النيجر ب بترولها و دهبها و ثرواتها44% من اطفالها بتموت نتيجة سوء التغذية و نقص الامصال و اللقاحات للامراض المتعلقة بالمواليد
لذلك فالازواج في النيجر بيخلفوا كتيييير .. طول ما الست قادرة تنجب بتنجب
ناس بتقاوم الانقراض باستنزاف صحة النساء و هما راضيين هيعملوا ايييه
يا تري الرئيس بازوم مجربش مرة يبيع الدهب في مقابل شوية لقاحات تيفود و حصبة و يستغني عن عمولته ال 22% من قيمة البيع هو ليه كل رؤوساء افريقيا اللي تم الانقلاب عليهم بيحملوا الجنسية الفرنسية .. و ازاي القوانين تسمح ب كده
اااه نسيت ان فرنسا مانعة الدول دي من سن التشريعات .. و انها بتجيبلهم الدستور سخن و طازة من البرلمان الفرنسي
انهاردة الجابون ذات التعداد السكاني البسيط طرد العيلة القذرة اللي كانت بتحكمهازاي دولة مصنفة انها عملاق النفط الافريقي يكون فيها نسبة فقر 60.5%
ده لأن عمر بونجو ابو الرئيس المخلوع علي بونجو
اعتبر النفط ده بتاعه هو و اهله وكان بيسافر يعقد الصفقات باسمه و العقود باسمه
و بيرمي لخزينة الدولة 8.5% فقط من عوائد البيع
طب تخيل ان 8.5% من عوائد البيع مخلية دخل المواطن الجابوني هو الافضل ضمن دول وسط وغرب افريقياطب لو كان البيع بما يرضي الله بقااااا
——————————————-
علي الجانب الاخر هنلاقي بريطانيا مسيطرة علي نيجيريا و السنغال و غانا نيجيريا دولة متعايشة مع الارهاب و بتتعامل مع بوكو حرام علي انها فولكلور شعبي خلاص” ما هو لو بوكو حرام مشيت .. مش هيبقا في غطاء علي سرقة النفط و الغاز .. و ساعتها الشعب هيسأل و ينطق و يتكلم و يقول ثرواتنا فين
انما دلوقت لما بيسأل بيتقاله بوكو حرام ولاد الحرام بيسرقونا يا حرام “
“طب ملفتش نظركم هو ازاي خطوط البترول الخاصة بشركة بريتش بتروليم بتعدي في الاراضي اللي مستحوذة عليها بوكو حرام بدون ما حد يتعرض لها من التسعينات لحد انهاردة
ايه الخطوط بتكهرب و لا ايه 
لم يعد احد غبي
لم تعد هناك جريمة في الخفاء
ده شعار العالم دلوقت
السنغال الدولة اللطيفة الصوفية .. اهل الحضرات و حلقات الذكريا دوب اتخلصوا من الاحتلال
راحت انجلترا منزلة لهم الجهاديين
و طبعا سلفي & صوفي دونت ميكس
و انخرطت الدولة في صراع ديني
و انخرطت انجلترا في نهب البترول و تحويله عبر مشروع BP الي غانا و منها الي المواني اللي تضمن ذهابها لبريطانيا بلاااا اي اعتراض من اي مخلوق
ما هو بتدي سلاح للصوفيين و بتدي سلاح اكتر للجهاديين
و الخيبة ان رئيس السنغال و اللي هو رئيس الاتحاد الافريقي غير مؤيد للحرب عشان اثرت علي الحبوب
و ده هيسبب مجاعة
علي اساس انكم مش عايشين في مجاعة يعني
مجاعة ب مجاعة بقا خلوا عندكم كرامة و اطردوهم
يا تري ايكواس اللي بتحركها بريطانيا القزمة هتعمل ايههتحارب فين و لا فين
عشان كده قولتلكم الامر اكبر من توقعات اوروبا .. و مترتب له من 2020
من وقت اغلاق الكورونا
ان افريقيا لن تظل خرساء للأبد
مش قادر تربط بين التحركات المصرية المكوكية في افريقيا لمدة 3 سنين فاتوا و لحد انهاردة وبين اللي بيحصل دلوقت دي مشكلتك انت الموائمات و التحالفات و التخطيط للانتفاضات ده تم اعداد ملفه من 2014مفيش حاجة بتحصل انهاردة فجأة
دي ادوار و كل واحد بيظهر في وقته لتفيذ دوره
الجابون دولة اوبك
و معاك الامارات و السعودية بريكس و اوبك ده اسمه السعي خلف الكلمة العليا
ده اسمه السعي خلف الكلمة العليا———————————————–
طب هل البرلمان الاوروبي منعقد عشان زعلان علي فرنسا اللي مصالحها انضربتو بريطانيا اللي بقت مهددة
ما هي فرنسا بتصدر يورانيومل ألمانيا .. النمسا .. بلجيكا .. سويسرا .. البرتغال
كده في 5 دول هتتأثر طبعا بعد توقف التوريد
بريطانيا البنك الدولي اخر تقرير له اللي من اسبوع ده ان اقتصادها هو الاسوأ في اوروبا .. و سيواجه انكماش كبيرو ان معدلات الفقر في تزايد
و ده طبعا ممكن يخلي المواطن البريطاني يسيب بلده و يهاجر ل دولة تانية اكثر استقرارا في اوروبا
و هما مش ناقصين قرف حد
اسبانيا .. اليونان .. ايطالياهي دول اتحاد اوروبي تواجه ازمات اقتصادية طاحنة
و ايطاليا علي اعتاب الافلاس هي روووخرة زي اخواتها
و البنك المركزي الاوروبي مش قادر يشيل تاني خلاااص
و ده طبعا بعد عدم قدرة اسبانيا علي سداد السندات السيادية اللي اصدرتها لانقاذ نفسها ب مليار يورو .. تعثرت
راح البنك الاوروبي مسددهم
و بقية الدول بتقول الله و انا مالي يا لمبي
حنفيات الدهب اتقفلتهنجيب غطاء لل يورو منيييييين
ما هو مع ضغط الازمة الاقتصادية علينا هنضطر نبيع دهب من الاحتياطي .. هنعوض منييييين
يوم 6 مارس 2022 قولتلكم لقد انتهي النظام العالمي القديم .. و بدأ الرجل الابيض في ايامه الحزينة
هو اوروبا هتنقل الحرب في افريقيا لأبوتين استنزفهم تماما
و كان يوم الثلاثاء اللي فات عامل عرض عسكري في شوارع موسكو لاسلحة الناتو اللي استحوذ عليها
هل ده هيأثر علي بريكس كل ده جزء من النظام الجديد اساسا مجلس الامن و العقوبات طيب معاك 2 فيتو روسيا و الصينو بعدين العقوبات دي بتبقا ايه :
عقوبات علي فلوس الدولة في البنوك الغربيةو الدول الافريقية محيلتهاش حاجة
منع السفر و السياحةده علي اساس ان المواطن المالي شهر في المالديف و شهر في الكناري مثلا
عقوبات اقتصاديةبركة يا جامع
متجوش تاخدوا مننا حاجة تاني .. احنا اساسا مش هنديكم
و المفروض بعد ما روسيا مسحت بفكرة العقوبات دي الارض متهزناش الكلمة دي تاني
د . چيلان قاسم
