عندما أتصفح الفيسبوك أو تويتر أقابل الكثير و الكثير من الموضوعات و التدوينات التي تأخذني و يأخذني سلاسة أسلوب كاتبها أو مدونها و تشعر و أنت تقرأ أنك نفسك تقول الكلام اللي بيقوله فقررت أن أخصص في موقعنا شعب مصر باباً للتدوينات الحرة لكل من يُحب أن يكتب في موضوع يُفيد المصريين أو يُنعش ذاكرتهم أو يُحيي ذكريات الماضي الجميلة أو يُعطيهم نصيحة مفيدة .
سد النهضة ..
و البؤساء اللي مش حافظين غير كومنت ” و ايه اخبار سد النهضة بقاااا مش تكلمينا عنه ” … و الحقيقة انت ملكش عندي أي قيمة عشان أكلمك عنه
أنا اتكلم عن سد النهضة لما ألاقي عندي معلومات وجب عليا اوصلها للناس المحترمة اللي خايفة علي بلدها و عايزة تفهم
انما العرر اللي بيستنوا بوستات الاخبار الايجابية عشان يكتب كومنت زي ده .. انتوا مش في حسابات الدولة كلها مش برا حساباتي انا بس 
الناس اللي عايزة الدولة المصرية تدخل بعملية عسكرية في اثيوبيا مقسومين لنصفين :
النصف الاول : نسل الاغرابالبهايم اللي ماشيين ورا ترتر و احمد عطوان و احمد منصور و معتز مطر و شلة البودرجية دول
شبكة الجاسوسية بتاعت عزام التميمي
و دول طظ فيهم ميفرقوش معانا في حاجة
النصف التاني : هو اللي بيحسب الامور حسب رؤيته هو .. و اللي هي بتتعارض مع رؤية الدولة حالياو دول محدش يقدر يخونهم طبعا لأن هما معتقدين ان الامور زيها زي ظروف ما قبل 73 و هنحارب .. هنحارب
طب لو انت راجعت التوقيت ده هتلاقي ان المظاهرات كانت من سنة 71 و كل الناس هنحارب هنحاربو نكت علي السادات و شتيمة في الجيش .. و مع ذلك قرار الحرب كان في اخر 73
لييييييه 
لأن حسابات الجهات الامنية غير حسابات الاخ حسين اللي قاعد علي الفيسبوك بيحطط خطط حربية .. و حجم الامن المعلوماتي اللي عند الجهات الامنية مش هو اللي عند الاخت رحيق الجنة اللي بتشير لقاءات وجدي ابن ام طشت
لأن حسابات الجهات الامنية غير حسابات الاخ حسين اللي قاعد علي الفيسبوك بيحطط خطط حربية .. و حجم الامن المعلوماتي اللي عند الجهات الامنية مش هو اللي عند الاخت رحيق الجنة اللي بتشير لقاءات وجدي ابن ام طشت 
طب هل الدولة المصرية مش بتحارب .. او احنا مش عايشين حالة حرب 
انتشار اللجان بتاعت البقر اللي تم تجنيدهم و هما مش عارفين .. لنشر الاكاذيب و الاشاعات و التطاول علي رأس الدولة لدرجة انك تعتبر ان ده شئ عادي و بيحصل في العالم .. مع ان انجلترا فيها مادة عقوبات للي يغلط في الملك و العيلة-التطاول علي القوات المسلحة لدرجة انهم يشكلوا في اللاوعي بتاعك انك عادي يكون لك رأي في اداء الجيش اللي انت متعرفش ظروفه فتقرر تعاديه
– تحويل التعاون مع الاجهزة الامنية المصرية لتهمة .. و ده له غرض انه يكون عندك فكرة داخلية انك لو لقيت معلومة تضر الامن القومي تخاف تروح تبلغ عشان متتعرضش لانتقاد الصيع و الشمامين انك بتتعاون مع جهاز المخابرات مثلا
انه يكون عندك فكرة داخلية انك لو لقيت معلومة تضر الامن القومي تخاف تروح تبلغ عشان متتعرضش لانتقاد الصيع و الشمامين انك بتتعاون مع جهاز المخابرات مثلاطب هو عيب تتعاون مع اجهزتك
بس مش عيب يجندك الاتراك و القطريين و الانجليز 
” خلي بالكم أنا في اقصي حالات ضبط النفس .. عشان لو انفجرت هقول كلام عن ناس يقرف و يخليك عايز ترجع “
“هل دي مش حرب
التضخم و ارتفاع الاسعار و مافيا التجار و رجال الاعمالو التدخلات الخارجية بمنع المواد الخام و الادوية و السلاح
عشان يضغط عليك و يوصلك لمرحلة مبارك
لا يا عم انت اعلفنا بس
اكلنا و شربنا و املا الكروش اللي بسوستة ….. و نبقا خدامين الغرب عااادي و نتسرق عااادي
المهم العلف بس
دي حرب بتخوضها الدولة و بيخضها المحترمين من الشعب ده
مهاجمة الاديان و الازهر و الكنيسةوالناس اللي ظهرت فجأة عشان تنتقض اديان ربنا وتعدل علي ربنا عشان خالق الكون مستني بقا انسان ذو عقل محدود يجي يصححله اخطاءه
دي مش حرب
محاربة الفطرة السوية وتشويه البشر لحيوانات تسعي خلف الغريزة فقطسواء شذوذ او كلاب بشرية او تحويل جنسي او بيدوفيليا او زوفيليا
دي مش حرب
اخبار القبة النارية ايه .. حرب المناخو يا تري صدفة ان الاحتباس الحراري ساب ام الكوكب كله و جه عمل قبة نارية فوق ال 9 دول العربية المستقرة سياسيا و عسكريا بسسسس
حول الصيف لجحيم
و اعاصير و عواصف لدرجة ان الكعبة كانت هتتصدع
و سيول في مصر و حرايق في الجزاير
يعني الاعصار ساب سوريا و فلسطين و لبنان بس راح الاردن
و لا عشان الدول دي نازلة علي ركابها اساسا ف مش محتاجة قبة نارية
الحرب البيولوجية : واتحدي لو حد فيكم اخد كورونا و جسمه زي ما هو و مناعته زي ما هيو لسه احنا لسه بنقول يا هادي .. ده في فيروسات في معامل كينيا انما شغل فنادق بقا
الفيروس يدخل الجسم في 24 ساعة يسلم الروح
فاضلك بقا الحرب العسكرية عشان تبقا أخدت العرض كومبو مثلا
لا يا غالي
في يوم 26 سبتمبر 2021 كان في جلسة استماع في الكونغرس و كان فيها چون ماكنزيجلسة الاستماع كانت بسبب مصر
وقف واحد من النواب الديموقراطيين اسمه ريك هالي و قال ان الجيش المصري اصبح تسليحه اخطر مما يجب .. و ان السيسي تعدي الحدود المسموحة له في التسليح
و قبلها تريزا ماي اللي قبل حنا السكرانراحت فرنسا عشان توقف صفقة الرافال
و قالت ان مش المفروض دولة في المنطقة العربية و الشرق الاوسط تمتلك قدرات جوية زي كده
في 18 ديسمبر 2018 نواب الحزب الديموقراطي و لجنة الدفاع في الكونجرس قرروا وقف المعونة العسكرية عن مصر و طالبوا بتوقيع عقوبات علي مصر اعمالا لقانون ” عقوبات علي الدول التي تتعاون مع خصوم امريكا “و ده بسبب توقيع صفقة السوخوي
لحد انهاردة بريطانيا و امريكا بيضغطوا علي مصر عشان يخرجوا الاخوان من السجونيا تري ليه
الاخوان الانجاس الخونة اللي دمروا مصر في سنة .. الغرب عايز يخرجهم ليه
عشان بيحبك و لا عشان يستخدمهم لتدميرك تاني
كل دي حقايق حصلت بالفعل
و اكتر منها
ف انت بقا متخيل انك لو خرجت قوات من عندك تضرب سد النهضة في اثيوبيا .. هتقف بريطانيا و امريكا و اسرائيل تقولك عيب كده
اقسم بالله الطيران الامريكي هيضرب بيتنا في اسكندرية
اسرائيل مش قادرة تتحرك مش عشان التزام بمعاهدة السلام و لا نيلة .. ده كيان قذر
انما عارف ان لو اتحرك جوا الحدود المصرية كيلو واحد هينتهي وجوده
لكن هو له 100 فدان في اثيوبيا لو انت ضربت هناك هتبقا انت اللي فسخت معاهدة السلام و اعتديت علي اراضيه
و وفقا للمعاهدات الامنية و العسكرية مع الناتو .. ف هتحقق للناتو امنيته و تلاقيهم بيضربوا في العلمين الجديدة اللي حرقاهم اووي
هتصمد قد ايه
سنة .. اتنين … خمسة
طب و تكلفة الحرب علي مين
عارف فاتورة الحرب يوميا كاااام من 5 ل 7 مليون جنيه
اللي ما متحمل شوية زيادة اسعار و عمال تشتم في الكل كليله هتتحمل تجوع خالص … اصلك هتتحاصر من الحدود و مش هيدخلك جرام قمح
كل المصانع اللي اشتغلت هتقف .. البورصة هتنهار .. النظام المصرفي هينهار
ما تتفرج علي اوكرانيا و هي روسيا بس اللي بتضرب فيها
ااه نسيت اقولك ان محدش هيحارب معاك
لا عرب و لا عجم
لأن محدش عايز يخسر سنت واحد من اقتصاده
و متقوليش المجهولة .. مفيش حاجة مجهولة … حمام بيتكم متراقب باقمار التجسس الصناعية .. الرجالة بس اللي شاطر و بتعرف تناور
جاهز لكل ده
و لا قرارات عنترية و هبهبة فارغة و يلا يا سيسي و بتاع
لو جاهز يلا بينا يا حبيبي
طب هتعمل ايه مصر بقا هي مصر مش مستنياك و الله
مصر بقالها 7 سنين بتاخد خطوات بالفعل
الخبير المائي بيقول ان سد النهضة اتم الملأ الرابع و هيملا الخامس و السبعونو كله ماشي وراه و محدش فكر يسأل نفسه سؤال واحد منطقي
لما الملأ بيتم ازاي منسوب النيل لم ينخفض و ازاي الفيضان بيتم في ميعاده السنوي
ازاي منسوب النيل لم ينخفض و ازاي الفيضان بيتم في ميعاده السنوي الاجابة لان بعد الملأ ب 48 ساعة اثيوبيا بتضطر تفتح البوابات لتصريف المياه تااااني لأن جسم السد فيه مشاكل و احتجاز المياه خلفه ممكن يؤدي لتصدعه
لان بعد الملأ ب 48 ساعة اثيوبيا بتضطر تفتح البوابات لتصريف المياه تااااني لأن جسم السد فيه مشاكل و احتجاز المياه خلفه ممكن يؤدي لتصدعهعشان كده ماشي يقول تمويل لله يا محسنين عشان احاول اعالج المشكلة دي
بس اثيوبيا اعلنت انها ركبت توربينات الكهربا و هتبيع الكهرباطب و باعت بقا
و لا باعت للصين و الامارات الهوا في ازايز و عطتهم بالباقي لبان 
تعالي بقا شوف ليه سد النهضة هينزل علي مفيشايه الهدف الاثيوبي من بناء سد النهضة احداث التنمية عن طريق توليد عدد مهول من الميجاوات الكهربية لبيعها و تصديرها … و الحصول علي ايراداتحق مشروع طبعا .. ومن حق الشعب الاثيوبي اللي انا بكرهه انه يرفع من مستوي معيشته
يعني من حقه يبني سد اه طبعا عااااديلكن لأن اثيوبيا هي دولة من دول المنبع ف لازم السد ده يكون بمواصفات معينة حتي لا يؤثر علي حصص دول المصب
لأن اثيوبيا هي دولة من دول المنبع ف لازم السد ده يكون بمواصفات معينة حتي لا يؤثر علي حصص دول المصبانما اللي حصل ان الموساد و ال MI6 قرروا يجندوا دولة كاملة لتعطيش الشعب المصري .. ف عملوا سد بمواصفات مخالفة 
و عشموا اثيوبيا انهم هيتولوا الماركتنج للكهربا اللي هتطلع منه
اثيوبيا هتبيع لمين بقااااا للدول الجيران طبعا
اقفش لي في الاجابة دي و خليها في دماغك عشان هنحتاجها
عشان تبيع كهربا محتاجة ايييييه بنية تحتيةشبكة توزيعمصنع محولاتو الحاجات دي بفلوس طبعا
يعني لو اعتبرنا ان سد النهضة مشروع لتحصيل ايرادات
ف يلزمه سوق للبيع
ايه هي الدول الجارة لاثيوبيا و اللي هتبيع لها الكهرباچيبوتي – اريتريا – تنزانيا – الكونغو – اوغندا – كينيا – السودان و تحديدا الجنوب
مصر بقا دخلت الحرب فعلا ازااااي دولة جيبوتي الصغنونة الحلوة دي : في يوليو 2021 جت شركة ايميا باور الاماراتية المتخصصة في تصميم و تشييد مباني الطاقة ل مصر عشان تستثمر في 5 مشروعات طاقية عملاقة لتوليد الكهربا من الطاقة الشمسيةراحت مصر قالتلها طب ممكن نحوش مشروع علي جنب كده هنحتاجه بعدينو في سبتمبر 2022 راحت مصر جنب الامارات في منطقة جراند بارا في چيبوتيعملت اكبر محطة توليد طاقة كهربية من الالواح الشمسية اللي تم تصنيعها في مصر بالكامل
و بقت اتفاقية بين شركة الكهرباء المصرية و الجيبوتية و الصندوق السيادي الچيبوتي
و اصبح المشروع بينتج 5000 ميجاوات علي مساحة چيبوتي الصغيرةاللي هو مزروطها كهربا و ممكن تبيع كمان .. و قامت مصر بتحقيق الاكتفاء الذاتي من الكهرباء لدولة چيبوتي اللي كانت هتبقا زبون لاثيوبيا و كتبت عقد بالفعل في 2013
نسكت علي كده .. ابداااا
دي حرب
ف نروح للجولة التانية :
دولة اريتريا :تروح الشركة العربية للتصنيع ل اريتريا .. وتقولها انا مش عاجبني الضلمة اللي عندك دي
و انتي لسسسه هتستني كهربا من سد النهضة … لااااا انا هعمل معاكي مشروعين لانتاج الطاقة الكهربية
و احنا في مصر قررنا نعملوا حاجة اسمها ” مبادرة تنمية حوض النيل ” اااه ما هو يا نعيش عيشة فل يا نموت احنا الكل
و في 2018 تنفذ الهيئة العربية للتصنيع محطة الطاقة الشمسية باستثمارات قيمتها 8 مليون دولار
” صحوا الحمار اللي كان بيسأل القروض بتتصرف في ايه .. عشان ساعة الحق بينام “
“و كل الالواح الشمسية تكون تصنيع الهيئة العربيةوالتزام أخلاقي من الدولة العظيمة مصر تجاه الشعب الاريتري الشقيقيتعمل لهم معهد تدريب للايدي العاملة في مجال انتاج الكهربا للحد من نسبة البطالة
و تحقق اريتريا الاكتفاء الذاتي … ف تروح لها اثيوبيا تقولها هو انتي مش هتاخدي مني كهربا
تقولها والنبي يا حبيبتي ده التلاجة مليانة تحبي اسخنلك و اغرفلك 
نخلص الجولة دي ونكمل حرب
دولة اوغندا :و اللي كانت ضدنا زمان و ضامة علي الترزي
و يتساب الجيم ده يلعبه جهاز المخابرات المصرية
ف يروح اللوا سامح الدجوي ينجح في عمل اتفاقية امنية و تبادل معلومات مع اوغندا
و بدل ما تجند افراد بقيت مجند دولة كاملة ” ده في وجهة نظري يعني يا ابانا انا مش كاااصد اللمس في بق 
“
“و يخلص أبانا مهمتهف يسلمها لوزارة الخارجية
اللي تقول لااااا ده إلا اوغندا .. هو انا خلفت غير اوغندا
احنا گ وزارة خارجية عندنا حاجة اسمها الوكالة المصرية للتنمية ومن خلال مسئوليتنا تجاه اوغندا الشقيقة هننفذ 3 مشروعات :
سد اوين ضمن مشروع درء خطر الفيضانات في غرب اوغندا عشان نحمي الشعب الاوغندي من خطر الفيضان و نوفرله ميه نضيفة للشربالمرسي النهري العملاق في كافونجا و تطهير بحيرة فيكتوريا و البحيرات المحيطة بيهاو يعني ايه يجي رمضان و الشعب الاوغندي ميتفرجش علي الاختيار و زكريا بيه يونس .. ده إلا زكريا يونس 
تم تنفيذ محطة طاقة شمسية و اهداء الشعب الاوغندي الالواح الشمسية هدية من الشعب المصري
” طبعا احنا و لا دريانين و لا عارفين “
“و المحطة تطلع كهربا و اللمبات تنور في اوغندا
و تيجي اثيوبيا تقولها مش عايزة كهربا .. ف ترد اوغندا لا والله لسه واكلة
الجولة الرابعة من الحرب
و هي الاخطر :
دولة النيلة الكونغو :اللي هي كل 22 واحد بيصحوا الصبح يقرروا يحاربوا ال 33 اللي هيعدوا في الشارع انهاردة
و تروح وزارة الخارجية معاها وزارة الري تتفاوض معاهم للاستثمار في مجال الطاقة الكهرومائية
وتقدر تحصل علي امتياز استغلال نهر الكونغو .. و هنبني عليه سد و نولد منه كهرباء يتعمل لها ربط في مشروع القاهرة – كيب تاون” و ده طبعا بعد دراسة مشروع ربط نهر الكونغو بالنيل و اللي طلع مينفعش “
“و تديك الكونغو احقية الاستثمار الزراعي حول نهر الكونغو” هناك بقا مستقرين مش مستقرين .. دي مش مشكلتك انت الله لا يسيئك 
“
“طب نسيب الكونغو كده دلوقت لحد بدء اقامة السد اللي هيبدأ بعد الانتهاء من سد جوليوس نينري التنزانيلا طبعاااا تنفذ مصر محطة طاقة شمسية عملاقة تنتج 5000 ميجاوات للشعب الكونجولي … ده عربون محبة كده
تنفذ مصر محطة طاقة شمسية عملاقة تنتج 5000 ميجاوات للشعب الكونجولي … ده عربون محبة كده ابانا بيخلص جولته .. وزارة الخارجية بتخلص جولاتها .. وزارة الري .. وزارة الكهربا
الجيش المصري يسكت … ” و في ذلك ف ليتنافس المتنافسون “
دولة بروندي :يروح الجيش المصري ينفذ هناك محطة انتاج الطاقة الكهربية من الالواح الشمسية
و بردو تنتج بطاقة 5000 ميجاوات … و تنور بروندي البائسة بسواعد ابناء الجيش المصري العظيم
دولة تنزانيا :و تقدر ترجع ل رقعة سد چوليوس اللي بفضل الله كنت انا اول حد يعرف المصريين بيه
و ناس وقتها قالت لا چيلان قاسم دي متعشمة في الخيال .. كهربا سد ايه اللي مصر هتتحكم فيها
ومش عارفة اجيبهالكم ازاي بس الحكومة التنزانية سابت ادارة السد بالكامل ل مصر بكهربته .. بمياهه .. بزراعته .. بسلاطته ببابا غنوجه معلش سهرناكم
يا حبيبي لما اقولك معلومة تاخدها من غير ما تجادل و اعتبرها واقع
يتبقا عندنا دولة كينيا و دورها جي بس تخلص شوية ترتيبات
طب يا اخت چيچي انا واحد مخي علي قدهايه علاقة كل مشروعات الكهربا دي بسد النهضة
ما هو المستثمر اللي هيمول السد ده هيموله ل وجهين استفادة :
اولا : بيع و تصدير الكهرباو لما ألاقي جيرانك مكتفيين ذاتيا و السوق بتاعك انضرب
يبقا سلعتك هتبيعها فيييين
همولك ليه لانتاج سلعة مش هتتباع
ثانيا : هستفاد زراعياو ده مش هيتحقق بسبب انك بنيتك التحتية متهدمة .. و معندكش امكانيات ل درء مخاطر الفيضانات
ده غير ان اعمال انشاءات السد عملت فوالق ارضية حواليه و ده يحول دون زراعة الاراضي
يعني اللي يخليني عشان ازرع عندك يتخرب بيتي أبنيلك دولتك .. ما اروح ل دولة جاهزة .. تنزانيا مثلا
.. تنزانيا مثلا يبقا تم تطويق السد و اللي عايز يموله يموله … هتشغله قد ايه و ليه
هتسأل سؤال ساذجاومال ليه كل يوم و التاني نعمل مفاوضات
سؤال ميتسألش و الله
لكن لأن المخابرات الامريكية و البريطانية عارفة اجابته راحت ولعت لك في السودان
راحت ولعت لك في السودان راحت وقفت لك مشروع زراعة ال 13 الف فدان اللي هناك .. و اللي كان خلصه سفيرنا هناكعطلك انشاء سد واو اللي انت متفق عليه في جنوب السودانمعتقد انه عطلك مشروع الربط الكهربي و طريق القاهرة – كيب تاون الوضع في السودان هيفضل كده ل امتي :لحد السودان ما تنزل علي ركابها .. و يسيبهالك بقا
مصر هتعمل ايهده لا بتاعتك و لا بتاعتي و متخصش حد
في جهات امنية في الدولة و في قيادة ده امر يخصها
طبعا بإمكانك انك تروح تدور ورا المعلومات اللي قولتهالك دي و تتأكد منها وتعرف ان الدولة المصرية بتحارب فعلا و انت نايم علي ضهرك بتحط خطة الحرب بناءا علي احترافك في ببچي البحث مفيش اسهل منه بس ميعملوش حد إلا لو بيدور علي ازاي يسند البلد دي … مش أعمي سايقه شوية خرفان
اللهم انصر عبدك عبد الفتّاح السيسي و الجيش المصري العظيم و اجهزتنا الامنية .. و تحيا مصر ام الدنيا و ست العالم 
د . چيلان قاسم
