كتبت : شيرين هلال كل بلد لها في قلب أهلها محبة إلا مصر محبتها في قلوب ولادها علمت الشعوب يعني إيه حب الأوطان . بيقولو في الأمثال: كل شعب بيحب بلده وكأنها مصر!
بلد علمت العالم يعني إيه دولة قبل ما يخترعوا الدول كان لينا أرض وحدود ، جنسية وجيش حشود. أيوة مصر اللي اخترعت الجيوش واحتفظت بعقيدة الأبطال.
مشي التاريخ وسار لقى العالم أمصار من أصل مصر أم الدنيا. بلد بطولها وعرضها نسيج واحد على كل أرضها، يطرد الخبيث ويحضن الحبيب.
هزم جحافل وكسر أسود عمره ما كان يوم معتدي ومسمحش لحد يطمع في الأرض دي.
من عهد مينا و لحد يوم القيامة هتفضل مصر هي أرض الكنانة.
تمر عليها العجاف تطرح هي السمان يمر عليها الجفاف تبدر هي الأمان.
رجالها شداد ستاتها عتاد أطفالها عناد – شعب ميعرفش مستحيل ويوم ما هب أنقذ البلاد من المحيط للخليج. وقف زحف الهكسوس وكسر شوكة المغول قطم رقبة الصليبين و دلوقتي حطم أسطورة حروب الفوضي.
كل البلاد بيتقال اسمها عادي إلا مصر يتقال الإسم عشان تترفع الرقاب من الشموخ ويدق القلب لهفهفة الجمال وتفرح العيون بخفة الروح.
هي دي مصر قدرها العظمة ولجيشها العزة ولقائدها الحكمة ولشعبها الفرحة.
بلادي بلادي لكي حبي وفؤادي ..
تحيا مصر رغم أنف الأعادي ..
