رسالة للرئيس .. عاوزين أكاديمية للخاسرين ..
مساء الفل يا ريس ..
أنا عارفة إن حضرتك بتتفرج علي برنامج ” كابيتانو مصر ” زينا بالظبط و بتُعايش فرحهم عند الفوز و كمان بتُعايش لحظات الإنكسار عند الهزيمة و لكن ؟
الفرق إننا بنتفرج و نتعاطف مع الأولاد و لكن ليس القرار في أيدينا بس حضرتك بعقليتك الحكيمة تستطيع و القرار في يدك .
فكرت كتير في المواهب التي غادرت برنامج ” كابيتانو مصر ” منكسرين بالرغم من أنهم موهوبين حيكون مصيرهم إيه بعد الحلم الذي حلموا به هم و أسرهم ؟
أنا عارفة إن هي دي قواعد المسابقة بس أكيد فيه حلول لنحافظ علي هذه المواهب حتي نمنع عنهم اليأس و الإحباط و هما في عمر الزهور .
من ضمن الحلول و اللي كتبت لحضرتك عنها سابقاً عبر حساب جضرتك عبر تويتر هي إنشاء أكاديمية تُكمل فيها هذا المواهب و تكون مدرسة لتفريخ المواهب لشباب لاعبينا في كأس العالم القادم هو ده لازم يكون الحلم و لازم عينينا تكون عليه .
طب حتسأل حضرتك و أجيب التمويل من فين ؟
حقول لحضرتك نجيب الميزانية من عدة جهات :
- إشتراك مالي بسيط من كل أسرة لاعب .
- العرض علي كل رجل أعمال وطني بالمشاركة طواعية .
- جزء من وزارة الشباب و الرياضة .
- رعاة رسميين للأكاديمية .
- جزء من صندوق تحيا مصر .
- جزء من وزارة المالية .
- و الأبنية تقوم بيها وزارة الدفاع الهمام .
شاهد الحلقة الثامنة من برنامج ” كابيتانو مصر ” عبرقناة ON ..
