نشر أحمد رأفت ، المعروف إعلامياً بـ«مذيع الشارع»، عبر صفحته علي الفيسبوك منذ قليل عن تعرضه للسرقة، مساء أمس، في واقعة غريبة، بعد أن دخل أحد اللصوص إلى محل إقامته واستولى على الحذاء الخاص به فكتب ساخراً منه : هوجب معاه وهعلق جزمته علي باب العمارة و جاء في المنشور :
” امبارح حرامي دخل العمارة اللي انا ساكن فيها وقعد يتسحب ويتلأم ويتخابث وساب كل حاجة وسرق الجزمة بتاعتي وساب جزمته علي السلم من باب التسامح والكرم علشان لو جزمة ضيف يلاقي حاجة يروح بيها ( حرامي شهم ) وانا قررت اني هوجب معاه وهعلق جزمته علي باب العمارة علشان لو حب ييجي ياخدها اي وقت يلاقيها (مجني عليه شهم اوى ) ، بس انا عندى سؤال، انا مركب كاميرات المفروض الحرامي الطبيعي يخاف منها ، ايه اللي يخليك تبص للكاميرا وتقرب منها وتروح قصادها يمين وشمال وتتصور ٣٦٠ درجة وكانك عروسة في frist look ، انا في لحظة اتهيألي انك بتعمل تيك توك علي اغنية انا مش شايف فيكم حد ، طلب اخيرا ممكن اسم الديلر؟ ” .
