علّق الشيف حسن بقوله : ” و عهد الله يا زملكاوى أنا زعلان منك ، إنت فين يا زملكاوى ؟ …
و تابع تعليقه _ فى الدقيقة ١٧,٥٤ _ فى مُداخلة هاتفية للطفل أحمد عصفور الشهير بأحمد الزملكاوى فى برنامجه ” أكلات و تكّات ” على قناة الحياة و الذى تعّود على الإتصال بالبرنامج لحبه للشيف حسن فقال : يا صباح الفل و الياسمين على الشيف أحمد حبيبي و مقدرش على زعله لأنّه حبيب الملايين .
و بادره الشيف حسن : إنت فين يا زملكاوى قلقتنى عليك ؟
فرد الزملكاوى معلش عشان مواعيد الدرس من واحدة لتلاتة فتابع حسن يعنى الدروس اللى خدتك منا ؟ بجد كنت خايف يكون حصلك مكروه يا حبيبي بعد الشر عليك صباح الخير يا زملكاوى ده انت كل الناس بتسأل عليك .
صناعة مصرية من الجلد الطبيعى
و طلب الزملكاوى أن يٌعطيه حسن الفرصة ليُلقى بعض الأبيات من تأليفه عن الجيش و الشرطة فقال :
عنوان القصيدة “مصر هى شهادة ميلادى “
- مكتوب فى شهادة ميلادى إنى مصرى و إبن مصرى و بعشق تراب بلادي .
- و بأعلى صوت بنادى باحب رئيسنا و شرطتنا و جيشنا اللى كايد الأعادى .
- إسمى أحمد و حامد ربى و على وطنية و حب بلدى متربي .
- مكتوب فى شهادة ميلادى اسم أبويا و اسم أمى و عنوانى و فصيلة دمى .
- و حكتب و ارسم بحبك يا مصر و حعيش و اكبر فيكى و من كل شر ححميكى .
- تحيا مصر تحيا مصر تحيا مصر .
و أنهى قصيدته بأجمل عبارة تحيا مصر و ذيّل القصيدة باسمه أحمد عصفور الشهير بأحمد الزملكاوى .
و هنا هلل الشيف حسن تحيا مصر يا زملكاوى يا غالى و حمد الله على السلامة يا غالى .
