عقّد الدكتور طارق شوقي وزير التربية والتعليم و التعليم الفنى مؤتمرا صحفيا، اليوم الأربعاء ، لشرح نتيجة الصف الثاني الثانوي ونظام التقييم الجديد وكيفية فهم نتائج الامتحانات الإلكترونية والاستفادة منها و يأتي ذلك تزامناً مع قرار وزير التعليم بإعادة إعلان نتيجة التيرم الأول للصف الثاني الثانوي بشكل مختلف يسهل فهمه ، وذلك عصر اليوم الأربعاء.
وأكد الدكتور طارق شوقي أن الوزارة قررت غلق الرابط الخاص بنتائج الصف الثاني الثانوي الإلكترونية حتي منتصف نهار الأربعاء حتي تتمّكن من توفير نموذج للنتائج أكثر فائدة للطلاب وتلبية لرغبة الكثيرين في معرفة الدرجات التي حققوها وكذلك متوسط أداء الدفعة بأكملها في كل مادة.
أضاف الوزير في تدوينة نشرها على حسابه الشخصي على موقع التواصل الاجتماعي فيسبوك فجر اليوم الأربعاء: “كان واضحا لنا أن هناك التباسا كبيرا عند الكثيرين في فهم وقراءة النتيجة لأنهم يحاولون قراءتها بالمعايير القديمة للرسوب والنجاح ولذلك قررت تصميم شكل مختلف يسهل فهمه وطلبت من زملائي إعداده علي الفور وسوف ننشره اليوم الأربعاء”.
أشار إلى أن هذا العمل يشمل حوالي ٥١٧٠٠٠ كارت للنتيجة ويستغرق ساعات الليل لإعداده وتوفيره علي الرابط الجديد، وسوف يكون هناك شرح تفصيلي عن كيفية قراءة الشكل الجديد وتحديد المستوي في كل مادة فى هذين المقطعين من الفيديوهات ?
وفى البوست الذى نشره شوقى عبر الفيس بوك لتوضيح و فهم النتيجة من رسالة لمعلم رياضيات :
رسالة من معلم رياضيات مصري لشرح طريقة التقييم الجديدة …..
أستاذ الرياضيات “محمد منير “
مدرس بمدارس المتفوقين في العلوم و التكنولوجيا STEM
كما ترون فإن مصر زاخرة بطلاب نابهين مثل الآلاف الذين حققوا نتائج ممتازة بعد ٨ شهور فقط من انتقالهم للنظام الجديد وزاخرة أيضا بمعلمين اصحاب علم ورسالة معًا.
————————————
شرح علمي للنتيجة من مدرس رياضيات ارجو ان يكون هذا هو المفهوم
#شرح نتيجة الصف الثاني …
..
محدش فاهمها خالص نتيجة الصف الثاني السنة ده ? … و بما أني مدرس رياضيات لازم يكون لي دور واضح في تفسير النتائج ده? …
..
طبعا كل الطلاب وبعض المدرسين علشان مش فاهمين حاجة فقاعدين ينقضوا نظام التعليم الجديد … ولكني كمدرس رياضيات فخور جدا بعرض النتيجة بهذه الطريقة الجميلة و الدقيقة ? …
…
تعالى نبدأ و نعرف يعني ايه درجات التقييم الجديد اللي محدش فهمها!! … ببساطة لو انت جبت في الكيمياء 90 من 100 و في الرياضيات 80 من 100 … انت كده أشطر في أي مادة منهما ؟! … الفهم الخاطئ و السائد عند الجميع هيقول انت أشطر في الكيمياء ?!!
الكلام ده مش صحيح دائما ?!! … لأن ممكن تكون جايب في الرياضيات 80 من 100 و انت الأول على المدرسة في الرياضيات لأن الإمتحان كان صعب أو طويل و الوقت كان غير كافي … و في المقابل إن انت كنت الأخير على المدرسة في الكيمياء لأن إمتحان الكيمياء كان جاي من الكتاب بالنص و كان سهل جدا فكل الطلاب قفلو الإمتحان …
هنا أنت أشطر في الرياضيات لأنك الأول على الدفعة بالرغم من إنك جايب 80 من 100 فقط ?!!..
…
من جهه أخرى عندك التنسيق بيعتمد على درجتك أم بيعتمد على ترتيبك ؟! .. الوزارة بتريح الطالب و تعطي له الدرجات في المادة لكن التنسيق بيعتمد على ترتيبك مش على درجتك !! … مثلا لو الأول على الجمهورية جايب 80% فكلية طب هتأخذ من 80% ..
…
علشان كده .. لو عايز تعرف درجتك الحقيقية لازم تعرف ترتيبك مش درجتك !! … علشان كده في الإحصاء في مفهوم إسمه Percentile ده عبارة عن نسبة مئوية من 100 تعطي درجة ترتيب …
مثال لو هناك 1000 طالب و إنت الأول هتكون درجتك 100…و لو كنت العاشر هتكون جايب 99 .. و لو كان ترتيب ال 400 هتكون جايب 60 … و لو كان ترتيبك ال 700 هتكون جايب 30 و لو كنت الآخير هتكون جايب صفر … ده مش معناه انت ناجح أم راسب ممكن تكون الأخير و انت درجتك في المادة 95 من 100
…
طبعا النظام الجديد مينفعش نستخدم فيه طريقة الدرجات القديمة لأن الإمتحان فيه أفكار و مش كل الطلاب هيقفلوا الإمتحان زي زمان … علشان كده أنا شخصيا فخور جدا إن فيه حد فاهم إحصاء بيعطي للطلاب نتيجة حقيقية لهم …
….
هل نظام الترتيب ده إختراع مصري مثلا ؟! … للأسف لا !! .. ده فيه إمتحانات دولية كثير بتتبع الترتيب من الدرجات زي مثلا إمتحان GRE ده إمتحان بيعادل بكالوريوس في الفيزياء أو الرياضيات أو …. المهم تدخل الإمتحان تدعي و تقول “يا رب غيري ميعرفش يحل ” ? مع إن العادي إنت تدعي و تقول “يارب أعرف أحل” لأن الإمتحان بيعتمد على الترتيب ?!! … فمش مهم تجيب كام أهم حاجة ترتيبك الكام ؟!!
….
ناس بتسأل إنها ترتبها قل أو زاد فعلا ممكن ده يحصل .. لأننا اتفقنا إنها مش درجة .. لو مثلا واحد عمل تظلم و زاد درجتان مثلا فكده الترتيب لباقي الطلاب هيتغير … و نرجع تاني نقول إن بنظام الدرجات القديمة لو كنت جايب 80 من 100 و عملت تظلم و بقيت 82 من 100 هيكون درجات باقي الطلاب زي ماهي لكن إحنا بنتكلم على ترتيب …
…
#دلوقتي ممكن نوضح المفهوم للنتيجة ده من ناحية رياضيات ..
أولا:- نظام الألوان ده نظام زي نظام التقديرات تماما ..
تخيل اللون الأزرق يعنى إمتياز (مثلا من 85% إلى 100%) و اللون الأخضر جيد جدا (مثلا من 70% إلى 85%) واللون الأصفر جيد (مثلا من 50% إلى 70%) و اللون الأبيض ضعيف أو راسب أقل من 50٪ من درجة المادة.. و هأكد تاني أن الرقم تحت العمود (ارتفاع النقطة السوداء في العمود) ده مش درجتك في المادة ده ترتيبك يعني لو كانت النقطة السوداء في الأصفر و الرقم تحت العمود ٣٧ مثلا فأنت كده ناجح لكن ترتيبك ال ٦٣ من ١٠٠من الطلاب.
هتشوف النقطة السوداء موجودة في إني للون و تعرف تقديرك .. هي ده الدرجة بنظام القديم خلاص انت كده عرفتها … طبعا ده مش إختراع مصري يعني … ده طريقة تقييم كل مدارس العالم .. بس الفرق إنهم بيعملوها حروف A,B,C,F
…
ثانيا:- كانت النتيجة المعلنة سابقا قبل ترتيبك بدون ما تعرف درجتك (قولنا ده مش الدرجة ده Percentile و بتدل على ترتيبك) و معناها كل ما النقطة السوداء تكون أعلى كل ما يكون ترتيب مع الأوائل .. لو النقطة السوداء موجودة أعلى العمود تعرف إنك الأول على الجمهورية و لو موجودة في قاع العمود تعرف إنك افشل طالب على مستوى الجمهورية … اتفقنا كل ما الرقم ده يزيد أو ما يقابلها كل ما النقطة السوداء تكون أعلى كل ما تكون متفوقك أكثر
ثالثا:- ايه المتوسط على الجمهورية ده …. تخيل كده اننا جمعنا كل درجات الطلاب في المادة الواحدة و حسبنا لهم المتوسط مثلا كان 80 من 100 فالمتوسط ده بيسمى #متوسط_حسابي و هو قيمة إحصائية مهمة جدا علشان تعرف مستواك .. لو المتوسط ده كان مثلا 80 من 100 فده هيأخذ لون أخضر و له ترتيب Percentile مثلا 60 زي اللغة العربية فلو انت كطالب فوق المتوسط هتبقى طالب متميز أو لو انت عند المتوسط هتكون طالب عادي أو لو أقل من المتوسط يبقى انت طالب محتاج تحسن نفسك …
…
حاجة مهمة في الإحصاء اسمها #الوسيط الطالب قاعد يدرس فيها طول عمره و في الحقيقة الوسيط ده يعادل ترتيب 50Percentile يعني الطالب اللي فوق ال 50 ده طالب في المتوسط و الطالب الأقل من 50 ده طالب تحت المتوسط… أو بطريقة أخرى لو النقطة السوداء فوق منتصف العمود هيكون مستواك فوق المتوسط و لو إسفل منتصف العمود هيكون مستواك تحت المتوسط
…
كده أعتقد إني وضحت لكم معنى الدرجات بالنظام الجديد .. و اتمنى إن التعديل بكرة يكون للأفضل و ليس برجوع لطريقة الحساب القديمة .. و مع إن ال Percentile لا تدرس في المدارس المصرية و لا تدرس حتى في بعض الجامعات .. إلا انها طريقة دقيقة لمعرفة مستوى الطالب الحقيقي..
هذا و قد أكّد الدكتور طارق شوقي، وزير التربية والتعليم والتعليم الفني أنه لا تأجل لموعد الفصل الدراسي الثاني، مشددا على أن الدراسة في موعدها.
وأضاف “شوقي”، خلال مداخلة هاتفية مع الإعلامي أحمد موسى ببرنامج “علي مسئوليتي”، المذاع علي قناة “صدي البلد”، مساء الأربعاء،
” طول ما الوزارة مطلعتش بيان رسمي محدش يسألنا» “.
وقال إنّ الشائعات تُصدِّر حالة من الهلع لا معنى لها على الإطلاق وتخّوف الأهالي بخصوص فيروس كورونا غير مبرر.
وأضاف شوقي :
من عناية الوزارة بصحة الأطفال في كافة الأوقات، خاصة في الوقت الحالي مع تفشي فيروس ” كورونا ” المسّتجد .